धरणगाव (प्रतिनिधी) – पोलीस शिपाई भरती परीक्षेचा आज लेखी पेपर होता. उत्तर महाराष्ट्र विद्यापीठातील परीक्षा केंद्रात व्हॉट्सअॅपच्या माध्यमातून पेपर सोडविण्याचा प्रयत्न करणाऱ्या परीक्षार्थी तरुणाला रंगेहात पकडण्यात आले.
कॉपी करणाऱ्या तरुणासह त्याला मदत करणाऱ्याविरुद्ध धरणगाव पोलिसात गुन्हा दाखल करण्यात आला
पोलिस शिपाई भरती २०१९ची प्रक्रीया सुरू झाली आहे. जिल्हा पोलिस दलाच्या आस्थापनेवर १२८ पदांसाठी आज सकाळी ११.३० वाजता जळगाव व भुसावळ शहरातील ६८ केंद्रांवर २१ हजार ६९० उमेदवारांची १०० गुणांची बहुपर्यायी लेखी परिक्षा घेण्यात आली. कवयित्री बहिणाबाई उत्तर महाराष्ट्र विद्यापीठातही परीक्षा केंद्र होते. याठिकाणी योगेश रामदास आव्हाड (रा.पांझनदेव, पोस्ट.नागापूर ता. नांदगाव) या परीक्षार्थी तरुणाने परीक्षा केंद्रात नजर चुकवून मोबाईल आणला होता. योगेशने व्हॉट्सअॅपच्या माध्यमातून प्रश्नपत्रिका मित्राला पाठवली. त्यानंतर त्याच्या मित्राने प्रश्नांची उत्तर सोडवून त्याला पाठवायला सुरुवात केली. हा प्रकार सपोनि देवरे यांच्या लक्षात आल्यानंतर योगेशला परीक्षाकेंद्राच्या बाहेर नेत चौकशी करण्यात आली. योगेश रामदास आव्हाड आणि त्याचा मित्र (नाव निषपन्न नाही) अशा दोघांविरुद्ध गुन्हा दाखल करण्यात आला
दरम्यान, जळगाव तालुक्यातील एका परीक्षा केंद्रावरही कॉपी करणाऱ्या तरुणांविरुद्ध कारवाई करण्यात आली असल्याचे कळते
परिक्षा केंद्रावर पेन, पेन्सील, रबर, प्रवेशपत्र व शासकीय कामकाजासाठी ग्राह्य असलेले फोटोचे ओळखपत्र ऐवढ्याच वस्तु उमेदवारांनी आणने अपेक्षित होते. मोबाईल, आक्षेपार्ह वस्तुंना बंदी होती. या वस्तु आणल्यास उमेदवारांना अपात्र ठरवण्यात येणार होते.
