जळगाव ( प्रतिनिधी ) – आकाशवाणी चौकातून पायी जाणाऱ्या तरूणाचा हातातून १० हजार रूपये किंमतीचा मोबाईल अज्ञात तीन जणांनी हिसकावून दुचाकीवरून धुमस्टाईल लांबविला. जिल्हापेठ पोलीस ठाण्यात अज्ञात तीन जणांविरोधात गुन्हा दाखल करण्यात आला .
कल्पेश सपकाळे (वय-२१ , रा.गंधर्व कॉलनी, माधव मंदिराजवळ ) कुटुंबियांसह वास्तव्याला आहे. शनिवारी रात्री आकाशवाणी चौकाकडून पायी जात असताना टीव्हीएस कंपनीच्या मोटरसायकलीवरून अज्ञात तीन जण आले आणि त्यांनी कल्पेश सपकाळे यांच्या हातातील १० हजार रुपये किमतीचा मोबाईल हिसकावला व दुचाकीने तीघे पसार झाले. रविवारी सकाळी कल्पेश सपकाळे याच्या फिर्यादीवरुन जिल्हापेठ पोलिस ठाण्यात अज्ञात तीन व्यक्ती विरोधात गुन्हा दाखल करण्यात आला तपास पीएसआय गणेश देशमुख करीत आहेत.
