एमआयडीसी पोलीस स्टेशनची कामगिरी
जळगाव (प्रतिनिधी) :- शहरातील खेडी बुद्रुक गावात पतीने धारदार शस्त्राने पत्नीवर आणि मुलावर वार करून गंभीर जखमी करत जीवेठार मारण्याचा प्रयत्न केल्याची घटना घडली होती. घटना घडल्यापासून फरार पतीला एमआयडीसी पोलिसांनी गुप्त माहितीच्या आधारे धरणगाव तालुक्यातील मुसळी फाटा येथून अटक केली आहे.
जळगाव शहरालगत खेडी गावात माधुरी समाधान सपकाळे (वय-३५) या विवाहिता मुलगा ऋषभ व लहान मुलगा विकी याच्यासह वास्तव्याला आहेत. पती समाधान सपकाळे ऊर्फ उत्तम याच्या व्यसनाधिनतेला कंटाळून दोघा पोरांचा संभाळ करण्यासाठी खेडी येथे नातेवाईकाकडे वेगळे राहत आहेत. अशातच ७ नोहेंबर रोजी मध्यरात्री पती समाधान सपकाळे त्यांच्या घरी आला. सेाबत चालण्यास पत्नीने नकार दिल्यावरुन देाघांत वाद होवुन कडाक्याचे भांडण झाले.
समाधान सपकाळे याने माधुरी यांच्या डोक्यात, हातापायावर धारदार शस्त्राने वार करुन गंभीर जखमी केले. आईला मारहाण होत असल्याने मुलाने बचावाचा प्रयत्न केल्याने त्याच्यावरही हल्ला करण्यात आला हेाता. या हल्ल्यात माधुरी यांना गंभीर दुखापती होवुन तब्बल ९१ टाक्यांची शस्त्रक्रिया करुन त्यांचा जीव वाचवण्यात शासकीय रुग्णालयास यश आले. हल्ल्यात पत्नी माधुरीचा मृत्यू झाल्याचे समजुन समाधान सपकाळे उऊर्फ उत्तम याने तिला सोडून पळ काढला. याबाबत एमआयडीसी पोलीस ठाण्यात गुन्हा दाखल करण्यात आला होता.
घटनेच्या दिवसापासुन समाधान तसाच इकडून तिकडे भटकंती करत होता. रविवारी १ डिसेंबर रोजी दुपारी ३ वाजता एरंडोल येथून निघाला. तेथून मुंबई जाणार असल्याची गुप्त माहिती डिवायएसपी संदिप गावीत यांना मिळाली. निरीक्षक दत्तात्रय निकम यांच्या पथकातील उपनिरीक्षक शरद बागल, योगेश बारी, किशोर पाटिल, छगन तायडे, नितीन ठाकुर, नरेंद्र मोरे अशांच्या पथकाने संशयीताचा पाठलाग करत धरणगाव तालूक्यातील मुसळी फाट्याजवळ शेतातून ताब्यात घेत अटक केली आहे.
