पारोळा (प्रतिनिधी)- तालुक्यातील ग्रामरोजगार सेवकानीं आज पारोळा पंचायत समितीच्या आवारात उपोषणाला सुरुवात केली आहे शिवसेना जिल्हाध्यक्ष डॉ. हर्षल माने यांनी चर्चेतून तोडगा काढल्यावर उपोषणाची सांगता करण्यात आली.
महात्मा गांधी राष्ट्रीय ग्रामीण रोजगार हमी योजना कायदा 2005 अंतर्गत काम करणाऱ्या ग्रामरोजगार सेवकांना गावात मनरेगाची कामे करतांना विविध अडचणींना सामोरे जावे लागत आहे युनियन मार्फत वेळोवेळी तोंडी समस्या मांडून त्यांचे निराकरण न झाल्याने शासन निर्णयाची योग्य अंमलबजावणी करण्यात यावी , दस्तावेज उपलब्ध करून देण्यात यावे , मुंदाणे प्र.उत्राण येथील ग्रामरोजगार सेवक सूर्यभान पाटील यांना बेकायदेशीरपणे कामावरून कमी करण्याचा अर्ज निकाली काढावा , 31 ऑगस्ट 2019 पासून 16 मार्च 2021पर्यंतचे ग्रामरोजगार सेवकांचे थकीत मानधन मिळावे , ग्रामरोजगार सेवकांचे थकित सन 2013 पासुनचे टी.ए.डी.ए. मिळावे , नमुना एक मजूर नोंदणी फॉर्म , नमुना चार कामांची मागणी फॉर्म , नमुना सात मजुराला काम दिल्या बाबतचा फार्म व जॉब कार्ड प्रत याबद्दल समस्याचे निराकरण करण्यात यावे यासाठी तालुक्यातील ग्राम रोजगार सेवक यांनी आज उपोषणाला सुरुवात झाली
युनियनसोबत चर्चा करण्यासाठी पारोळा नगराध्यक्ष करण पवार यांनी जिल्हाधिकारी यांच्यासोबत भ्रमणध्वनीद्वारे ग्रामरोजगार सेवकांच्या मागण्या मान्य करण्याबाबत चर्चा केली त्याचप्रमाणे खासदार उन्मेष पाटील यांनीदेखील भ्रमणध्वनीवरुन जिल्हाध्यक्ष सुरेश पाटोळे यांच्याकडून माहिती जाणून घेतली या मागण्याबाबत नरेगा आयुक्त ( नागपुर ) आणि रोहयो सचिव यांच्याशी चर्चा करतो आणि मिटिंग जिल्हाधिकारी कार्यालयात लावून समस्या लवकरात लवकर सोडविण्याचे आश्वासन खासदार उन्मेष पाटील यांनी दिले
शिवसेना जिल्हाध्यक्ष डॉ. हर्षल माने यांनी प्रत्यक्ष भेट देऊन ग्रामरोजगार सेवक संघटनेशी चर्चा केली पालकमंत्री यांच्याशी संपर्क साधुन गटविकास अधिकारी यांच्याशी चर्चा केली उपोषणाची सांगता करण्यासाठी लिंबु पाणी देऊन उपोषण सोडविले
कृषि उत्पन्न बाजार समितीचे सभापती अमोल पाटील यांनी उपोषणस्थळी चर्चा केली गटविकास अधिकारी विजय लोंढे यांनी त्यांच्या समक्ष लेखी आश्वासन देऊन संघटनेला अडचण आली तर मी सहकार्य करेल असे सांगितले यानुसार ग्रामरोजगार सेवक संघटनेचे उपोषण स्थगित केले
उपोषणाला पाठिंबा देण्यासाठी मनसे तालुकाध्यक्ष प्रविण पाटील , ग्रामसेवक संघटनेचे तालुकाध्यक्ष व सर्व सदस्य , दलित सेना जिल्हाध्यक्ष राजु जावरे , आर पी आयचे तालुकाध्यक्ष दयाराम मोरे, शेतकरी स्वाभिमानी संघटनेचे जिल्हाध्यक्ष वाल्मीक पाटील , शिवसेना तालुकाध्यक्ष आर बी पाटील , शिवसेनेचे उपशहरप्रमुख भुषण भोई, शेतकी संघाचे .राजेंद्र पाटील, युवासेना उपतालुकाप्रमुख समाधान मगर, विलास वाघ, अनिल पाटील आले होते
या संघटनेचे जिल्हाध्यक्ष सुरेश पाटोळे, तालुकाध्यक्ष शरद पाटील, तालुका उपाध्यक्ष प्रभाकर भोई, सदस्य लहू पाटील, सूर्यभान पाटील, रमेश वंजारी, जगदीश पाटील, दत्तात्रय पाटील, कविता पाटील, समाधान पाटील , संजय पाटील , जगदीश पाटील , प्रदीप पाटील, विनोद सैंदाणे, उत्तम पाटील, योगेश पाटील, हिरालाल पाटील , भरत राठोड, नाना पाटील, प्रमोद पाटील , सुनील पाटील, अजित पाटील, राहुल पाटील, रामदास पाटील, भूषण महाजन, उमेश पाटील , कैलास पाटील, प्रकाश पाटील , ज्ञानेश्वर पाटील, नंदू पाटील , सजन पाटील, शिवदास खैरनार, अनिल पाटील, विकास पाटील, योगेश पाटील , भीमराव जावळे , कविता पाटील आदी ग्रामरोजगार सेवक उपोषण आंदोलनात सहभागी झालेले होते.
