जळगाव (प्रतिनिधी) – शहरातील पांडे चौकात रंगकाम करतांना ४० वर्षीय पेंटरला इलेक्ट्रीकचा शॉक लागल्याने त्याचा जागीच मृत्यू झाल्याची घटना घडली. एमआयडीसी पोलीस ठाण्यात अकस्मात मृत्यूची नोंद करण्यात आली आहे.
बाबुलाल बनीमियॉ पटेल (वय-४० , रा. तांबापूरा, जळगाव ) असे मयत तरूणाचे नाव आहे. बाबुलाल पटेल यांच्या पश्चात कुटुंबात आई , तीन भाऊ, पत्नी व ३ अपत्ये आहेत पेंटर काम करून कुटुंबियाचा उदरनिर्वाह करत होते . नेहमीप्रमाणे बुधवारी दुपारी सहकारी सिकंदर तडवी यांच्यासोबत पांडे चौकातील सुरेंद्र नथमल लुंकड यांच्या पत्र्याच्या शेडला रंगकाम करण्याचे काम करत होते. रंगकाम करून पत्र्याच्या शेडवरून सीडीने खाली उतरत असतांना हाताचा इलेक्ट्रीक वायरला धक्का लागल्याने त्यांना विजेचा धक्का लागला. त्यात त्यांचा जागीच मृत्यू झाला. मयत तरूणाची आर्थीक परिस्थिती हालाखीची असल्याने कुटुंबियाला आर्थीक मदत मिळावी अशी मागणी करण्यात येत आहे.
दरम्यान, जिल्हा शासकीय वैद्यकीय महाविद्यालयात मृतदेह आणण्यात आला आहे. यावेळी नातेवाईक व मित्रपरिवारांची जिल्हा वैद्यकीय महाविद्यालयात गर्दी जमली होती. एमआयडीसी पोलीस ठाण्यात अकस्मात मृत्यूची नोंद करण्यात आली आहे.
मयताच्या पश्चात आई अबीदाबी, पत्नी फरीदा व फरान, सना, शहिन ही ३ अपत्ये आणि लतीफ, हारून आधि शरीफ हे तीन भाऊ असा परिवार आहे. मयत बाबुलालच्या नातेवाईकांना काम करून घेणाऱ्या व्यक्तीकडून आर्थीक मदत मिळावी अन्यथा मृतदेह ताब्यात घेणार नाही अशी भूमिका हिंदू-मुस्लिम एकता बिल्डींग पेंटर वेलफेअर असोशिएशनचे जिल्हाध्यक्ष इस्माईल खान, जिल्हा सल्लागार अकील शेख अहमद, दगडू शहा पेंटर आदींनी घेतली होती.
