आत्महत्येचे कारण अस्पष्ट; तालुका पोलीस ठाण्यात अकस्मात मृत्यूची नोंद
जळगाव ( प्रतिनिधी ) –जळगाव तालुक्यातील पळसोद येथे एका २८ वर्षीय तरुणाने राहत्या घरी गळफास घेऊन आत्महत्या केल्याची धक्कादायक घटना गुरुवारी (दि. ६) सायंकाळच्या सुमारास उघडकीस आली आहे. या घटनेमुळे गावात हळहळ व्यक्त होत आहे.
पळसोद येथे वास्तव्यास असलेल्या सुनिल भगवान सोनवणे (वय २८) या तरुणाने गुरुवारी सायंकाळी आपल्या राहत्या घरात गळफास घेऊन आपली जीवनयात्रा संपवली. ही बाब कुटुंबियांच्या लक्षात येताच त्यांनी तात्काळ सुनिलला खाली उतरवून उपचारासाठी शासकीय वैद्यकीय महाविद्यालय व रुग्णालयात (GMCH) दाखल केले.
मात्र, वैद्यकीय अधिकाऱ्यांनी तपासणीअंती त्याला मृत घोषित केले. सुनिल सोनवणे या तरुणाने नेमक्या कोणत्या कारणामुळे आत्महत्या केली, याचे कारण अद्याप अस्पष्ट आहे. याप्रकरणी तालुका पोलीस ठाण्यात सध्या अकस्मात मृत्यूची नोंद करण्यात आली असून, पोलीस पुढील तपास करत आहेत.
