जळगाव (प्रतिनिधी)- शहरातील एमआयडीसी परिसरातील एका १७ वर्षीय अल्पवयीन मुलीला अज्ञात व्यक्तीने फूस लावून पळवून नेल्याचा प्रकार ८ फेब्रुवारी रोजी उघडकीस आला असून याबाबत एमआयडीसी पोलीस स्टेशनला गुन्हा दाखल करण्यात आला आहे.
सूत्रांची दिलेली माहिती अशी कि , १७ वर्षीय मुलगी आपल्या कुटुंबीयांसह वास्तव्याला आहे. मंगळवार ८ फेब्रुवारी रोजी रात्री ११ ते बुधवार ९ फेब्रुवारी रोजी पहाटे ५ वाजता या दरम्यान मध्यरात्री अज्ञात व्यक्तीने अल्पवयीन मुलीला फूस लावून पळवून नेल्याचा प्रकार उघडकीला आला आहे. अल्पवयीन मुलीच्या पालकांनी तिचा नातेवाईकांसह मैत्रिणींकडे शोधाशोध केली. परंतु ती कुठेही आढळून आली नाही. याप्रकरणी मुलीच्या वडिलांनी दिलेल्या तक्रारीवरून अज्ञात व्यक्तीविरोधात एमआयडीसी पोलीस ठाण्यात गुन्हा दाखल करण्यात आला आहे. तपास पोलीस उपनिरीक्षक अनिस शेख करीत आहे.
