उमेदवार श्रीराम पाटील यांच्या प्रचारासाठी नियोजन
जळगाव – राष्ट्रवादी कॉंग्रेस पक्षाचे नेते शरद पवार शनिवारी दि. २० व रविवारी दि. २१ रोजी जळगाव जिल्ह्याच्या दौऱ्यावर येत आहेत. लोकसभा निवडणुकीनिमित्त राष्ट्रवादी कॉंग्रेस शरदचंद्र पवार गटाचे नेते शरद पवार राज्यभर दौरा करीत आहेत. त्यांच्या ठिकठिकाणी उमेदवारांच्या प्रचारार्थ जाहीर सभा होत आहेत. त्यानुसार रावेर लोकसभा मतदारसंघात चोपडा व रावेर येथे शरद पवार सभा घेणार आहेत.
जळगाव जिल्ह्यातील रावेर लोकसभा मतदारसंघात शरदचंद्र पवार पक्षातर्फे श्रीराम पाटील उमेदवार आहेत. त्यांच्या प्रचारासाठी शरद पवार जिल्ह्यात येत आहेत. शनिवारी दि. २० ला दिंडोरी जि. नाशिक येथील सभा आटोपून सायंकाळी साडेपाचला ते जिल्ह्यात चोपडा येथे येत आहेत.
त्या ठिकाणी उमेदवाराच्या प्रचारार्थ त्यांची जाहीर सभा होईल. त्यानंतर रात्री मुक्कामी असतील. रविवारी दि. २१ ला ते सकाळी १० वाजता जामनेर येथे कार्यकर्ते मेळावा घेणार त्यानंतर रावेर येथे दुपारी १ वाजता सभा घेतील. त्यानंतर दुपारी तीनला वर्धा येथे रवाना होतील.
दि ३ मे ला चोपडा प्रचार सभा ११ वाजता ३ वाजता भुसावळ येथे कार्यकर्ते यांच्या सोबत संवाद सायंकाळी ६ वाजता मुक्ताईनगर प्रचार सभा व दि ४ तारखेला यावल येथे सकाळी ११ वाजता प्रचार सभा होणार आहे. यामुळे रावेर लोकसभा मतदारसंघात कार्यकर्ते मध्ये एक चैतन्य दिसत आहे.
