पहूर ( प्रतिनिधी ) – गोंदेगाव येथील बंद घरातून अज्ञात चोरट्याने ५२ हजार रुपयांची रोकड व काही वस्तू लंपास केल्याचे उघडकीला आले. पहूर पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.
स्वप्नील सुरेश मसकर (वय-२० रा.गोंदेगाव ता. जामनेर ) कुटुंबीयांसह राहतात.१८ सप्टेंबर दुपारी १२ ते ६ ऑक्टोंबर सकाळी ९ वाजेच्या ते घराचे कुलूप लावून बकी ( ता. बोदवड ) येथे कामानिमित्त गेले होते. अज्ञात चोरट्यांनी बंद घर फोडून घरातील ५० हजार रुपयांची रोकड आणि २ हजार रुपये किमतीचे वस्तू असा एकूण ५२ हजार रुपयांचा मुद्देमाल चोरून नेल्याचे उघडकीला आले आहे. ८ ऑक्टोंबर रोजी दुपारी अज्ञात चोरट्यांविरोधात पहूर पोलीसात तक्रार दिली. त्यांच्या तक्रारीवरून पहूर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पो हेकॉ प्रशांत वीरणारे करीत आहेत.
