पाचोरा शहरातील गिरणा पंपिंग रोडवरील घटना
पाचोरा (प्रतिनिधी) :- शहरातील गिरणा पंपिंग रोड भागात एका तरुणाने घरी गळफास घेऊन आत्महत्या केल्याची घटना उघडकीस आली आहे. या घटनेबाबत पाचोरा शहर पोलिस स्टेशनला अकस्मात मृत्यची नोंद करण्यात आली आहे.
प्रशांत नामदेव दत्तू (वय ३४) असे या तरुणाचे नाव आहे. मयताच्या पश्चात आई, भाऊ, पत्नी, दोन मुले असा परिवार आहे. शहरातील गिरणा पंपिंग रोड भागातील रहिवासी प्रशांत नामदेव दत्तू या तरुणाने सोमवारी दुपारी २:१८ वाजेच्या सुमारास राहत्या घरी गळफास घेऊन आत्महत्या केली. मयत तरुणाला पाचोरा ग्रामीण रुग्णालयात उपचारासाठी दाखल केले. तेथे वैद्यकीय अधिकाऱ्यांनी मृत घोषित केले. या घटनेबाबत पाचोरा शहर पोलिस स्टेशनला अकस्मात मृत्यची नोंद करण्यात आली आहे. पुढील तपास पोलीस निरीक्षक राहुलकुमार पवार यांच्या मार्गदर्शनाखाली पोलीस हेड कॉन्स्टेबल राहुल शिंपी करीत आहेत. या घटनेने परिसरात शोक व्यक्त होत आहे.
