पाचोरा तालुक्यातील माहीजी येथील घटना
पाचोरा (प्रतिनिधी) : तालुक्यातील माहिजी येथील तरुणाने स्वतःच्या घरात गळफास घेऊन आत्महत्या केल्याची धक्कादायक घटना बुधवार दि. १० जुलै रोजी संध्याकाळी ७ वाजेच्या सुमारास उघडकीस आली आहे. याप्रकरणी पाचोरा पोलीस स्टेशनला अकस्मात मृत्यूची नोंद करण्यात आली आहे.
विकास पाटील (वय २५) असे मयत तरुणाचे नाव आहे. तो गावात परिवारासह राहत होता. या तरुणाने दि. १० जुलै रोजी संध्याकाळी ७ वाजण्याच्या सुमारास स्वतःच्या राहत्या घरी छताला दोर बांधून गळफास घेतला. (केसीएन)गावात आठवडे बाजार असल्याने मजुरी करण्याचे पैसे घेण्यासाठी विकास याचा मोठा भाऊ राहुल पाटील हा गावात गेला होता. घरी परतल्यावर घरात लहान भावाचा गळफास घेतलेला अवस्थेत मृतदेह बघितल्यावर त्याने एकच हंबरडा फोडला.
या घटनेबाबत माहिजी येथील पोलिस पाटील राजेंद्र पाटील यांनी पाचोरा पोलिस स्टेशनशी संपर्क करून घटनेची माहिती दिली.घटनेबद्दल पाचोरा पोलीस स्टेशनला अकस्मात मृत्यूची नोंद करण्यात आली आहे. या घटनेचा पुढील तपास पोलीस निरीक्षक अशोक पवार यांच्या मार्गदर्शनाखाली भगवान बडगुजर हे करीत आहेत.
