पाचोरा (प्रतिनिधी) – जळगाव जिल्हा पोलीस अधीक्षक डॉ प्रवीण मुंडे यांनी जळगाव जिल्ह्यातील सराफ व्यवसायिक यांच्या दुकानावर चोरीचे प्रमाण वाढले असून ते रोखण्यासाठी सराफ असोसिएशनची बैठक घेण्याच्या सूचना केल्या. त्या आदेशानुसार पाचोरा पोलीस निरीक्षक यांनी पाचोरा सराफ असोसिएशनची बैठक घेऊन सर्व सराफांना सूचना दिल्या की, आपण आपल्या बहुमूल्य किमतीचे सोन चांदीचे वस्तू ठेवतात, त्याच्या सुरक्षेसाठी आपण सर्व व्यापाऱ्यांनी स्वतंत्र कॅमेरे लावावे कॅमेराची दिशा समोरच्याचा चेहरा दिसला असा दिशेने लावा तसेच येणाऱ्या प्रत्येक नागरिकावर बारकाईने लक्ष ठेवावे व काही बुरखाधारी महिला येतात त्यांच्यावर लक्ष ठेवावे आपली फसवणूक होणार नाही याची काळजी घ्यावी आपल्या दुकानांना सुरक्षेसाठी दुकानाची शेटर व्यवस्थित लावावे तसेच मजबूत कुलूप असावे तसेच एक सुरक्षा गार्ड नेमावे रात्री दुकान बंद करताना कुलूप व्यवस्थित लावावे. दुकानातून माल घरी नेताना रस्त्यात कुठे थांबू नये दुकान उघडताना आपल्या मालाची काळजी घ्यावी. काही संशयित व्यक्ती आढळल्यास लवकर संबंधित पोलीस स्टेशनची संपर्क साधावा. अशा अनेक प्रकारच्या सूचना पाचोरा पोलिस स्टेशनचे पोलीस निरीक्षक किसन पाटील यांनी पाचोरा सराफ असोशियन यांना दिल्या यावेळी सराफ असोसिएशनचे अध्यक्ष श्री नाना देवरे माजी नगराध्यक्ष श्री बापू सोनार ज्येष्ठ नागरिक जगन्नाथ सराफ, वासुदेव जडे, बाबा जडे , शशिकांत सोनार, मनोज जडे , राजेंद्र चिंधू सोनार, रवींद्र सोनार, नंदकुमार सोनार, जगदीश सोनार, विजय सोनार, कैलास सोनार, राजेश संगवी, राजेंद्र बाविस्कर, प्रकाश जैन, किरण देवरे, सोनू घाटी, नितीन सोनार, प्रमोद जडे, मनोहर सोनार, कांतीलाल शेट जैन इत्यादी सराफ असोसिएशन व्यापारी उपस्थित होते यावेळी सुत्रसंचालन माजी नगराध्यक्ष विष्णू महादू सोनार यांनी केले. आभार पोलीस कॉस्टेबल नितीन सूर्यवंशी यांनी केले.
