पाचोरा (प्रतिनिधी) – शेतकऱ्यांना अनुदानसह धान्य पुरवठा तात्काळ होण्यासाठी कॉंग्रेस पक्षाने आता शिंगाडा मोर्चा काढण्याचा इशारा दिला आहे.
तहसील कार्यालयासह शहर आणि तालुक्यातील समस्या सोडविण्यासाठी पाचोरा कॉंग्रेस शिंगाडा मोर्चा २१ मार्चरोजी सकाळी आठवडे बाजारातुन काढणार आहे. तालुकाध्यक्ष सचिन सोमवंशी यांच्या नेतृत्वाखाली मोर्चा निघणार आहे. पाचोरा शहरातील स्वस्त धान्य दुकानातून जानेवारीचा मोफत धान्य पुरवठा झाला नाही. तालुक्यातील काही ठिकाणी पुरवठा बाकी आहे शहरातील २२०० दारिद्र्य रेषेखालील कुटुंब आहेत मात्र केवळ चार कुटुंबांना लाभ दिला जातो विस वर्षापासुन बीपीएलधारकांवर अन्याय होत आहे . या मनमानीची चौकशी करुन कारवाई करण्यात यावी. काही मयत लाभार्थीच्या नावे धान्य पुरवठा केला आहे अशा बेजबाबदार दुकानदारसह संबंधित अधिकारी यांच्यावर कारवाई करण्यात यावी. विधवा परीतक्ता, दिव्यांग, अनाथ यांना बीपीएल मध्ये समाविष्ट करण्यात यावे. शेतकऱ्यांचे अनुदान तात्काळ देण्यात यावे तुकडा बंदी कायदा असताना त्याची अंमलबजावणी न करता बेकायदेशीर खरेदी होत असुन तलाठी त्याची नोंद गैरकायदा करत आहे याची चौकशी करून कारवाई करावी
या मागण्यांचे निवेदन तहसीलदार कैलास चावडे यांना कॉंग्रेस तालुकाध्यक्ष सचिन सोमवंशी, शहर अध्यक्ष अॅड अमजद पठाण, राजेंद्र महाजन, युवक काँग्रेस जिल्हा उपाध्यक्ष अॅड अंबादास गिरी, संगिता नेवे, कुसुम पाटील, अॅड मनिषा पवार, अॅड वसिम बागवान, ओबीसी तालुका अध्यक्ष इरफान मनियार, युसूफ टकारी, प्रदीप चौधरी, कल्पना निंबाळकर, स्मिता कासार, राहुल शिंदे, गणेश पाटील, कल्पेश येवले, आदींनी दिले.
