पाचोरा : – महिला बालकल्याण समिती नगरपरिषद पाचोरा आयोजित पाचोरा शहरातील विधवा माता, भगिनींचा सन्मान सोहळा प्रसंगी मा.सौ. सुनीताताई किशोर पाटील म्हणाल्या कि, परमेश्वराने दिलेले जीवन अनमोल आहे. जीवनाचा आनंद घ्या खचू नका, आम्ही तुमच्या पाठीशी खंबीरपणे आहोत. जीवनसाथी गेल्याच दुःख फार मोठं असत. जीवनात सुखदुःखाचा खेळ सारखा चालू असतो. आपण ध्येयवान आहात. पतीच्या पश्चात आपण मूल बाळांना, सासू सासर्यांना सांभाळीत आहात. याचा मला मनापासून अभिमान आहे. तुमच्या समस्या अडचणी प्रश्नाची मला जाणीव आहे. शासनाच्या विविध योजनांच्या माध्यमाने तथा पाचोरा नगरपरिषदच्या माध्यमाने आपल्या समस्या सोडविण्याचा प्रामाणिकपणे प्रयत्न आमदार किशोर आप्पा पाटील तथा नगराध्यक्ष संजय गोहिल यांच्या मदतीने केला जाईल. आपण अबला नाहीत सबला आहोत. मूळ बाळांना मोठं करा त्यांना शिकवा आपल्या जीवनात सुख शांती येवो अशी इश्चरणी प्रार्थना करते.
यावेळी व्यासपीठावरून अध्यक्षीय भाषणातून आपले विचार मांडताना सौ. अंजनीताई नाईक म्हणाल्या कि आजचा कार्यक्रम हा महाराष्ट्रातील अभिनव कार्यक्रम आहे. मला खूप आनंद झाला. पाचोरा नगरपरिषद महिला बालकल्याण समिती आयोजन तथा मा. सौ. सुनीताताई किशोर पाटील यांच्या संकल्पनेतून साकारलेल्या कार्यक्रमास माझ्या मनापासून शुभेच्छा. स्त्रीशक्ती सृष्टीतील अद्वितीय आहे. राजमाता, कुंती, जिजामाता, अहिल्याबाई होळकर, राजमाता जिजाऊ, इंदिरा गांधी, सावित्री फुले, मदर टेरेसा, मा साहेब मीनाताई ठाकरे, प्रतिभाताई पाटील अशा कर्तृत्ववान श्रेष्ठ मातांचे आपण वारसदार आहोत. आपणही आपल्यातल्या शक्तींना, कर्तृत्वान श्रेष्ठ मातांचे आपण वारसदार आहोत आपणही आपल्यातल्या शक्तींना, गुणांना ओळखा. पती गेल्यामुळे कुंटुंबाचा संपूर्ण भार आपल्याला उचलावा लागतो. हि फार मोठी गंभीर समस्या आहे. आपत्ती संकट, दुःख येतात जातात. आपल्याला धीराने त्यांचा सामना करावयाचा आहे. खचू नका मूल शिकून मोठी होतील. चांगले दिवस नक्कीच येतील. दुःख सहन करण्याची परमेश्वराने आपणास उपजन शक्ती दिलेली आहे. स्रिच्या सेवा, त्याग समर्थपणे नवनिरमिती होत असते. आपल्यातील वास्तल्य प्रेम, ममता, स्नेह सदाचाराने सेवेतून, घराला घरपण येत. स्वामी तिन्ही जगाचा आई विना भिकारी, आईच महत्व फार थोर आहे. आनंदाने जगा. आमदार किशोर आप्पा पाटील तथा संजय गोहिल नागराध्यक्ष. सौ सुनीताताई पाटील, शिवसेना पदाधिकारी व महिला आघाडी कार्यकर्ता आपणा सोबत आहे. आपल्या अडचणी, समस्या, प्रश्न त्यांना सांगा, भेटा ते नक्कीच सोडवतील आपल्या भावी आयुष्यास माझ्या खूप खूप शुभेच्छा !
यावेळी वैशाली ताई सूर्यवंशी, डॉ. अस्मिताताई पाटील, भारतीताई पाटील, महानंदाताई पाटील, डॉ. सुवर्णाताई पाटील, अर्चनाताई पाटील आदी मान्यवरांचे समयोचीत भाषण झाले.
प्रथमतः माता सरस्वती प्रक्रिया पूजन सोहळा व दीपप्रज्वलन मान्यवरांचा शुभहस्ते संपन्न झाले. यावेळी नवनिर्वाचित उपनगरध्यक्ष सौ प्रियंका पाटील यांचं सत्कार करण्यात आला. जय जवान माता वीर माता भगिनीना व पाचोरा शहरातील विधवा माता भगिनींना साडी चोळी भेट देण्यात आली. मकर संकारतीच्या पर्वाचा संस्कार म्हणून तीळ गुळ घ्या, गोड गोड बोला तीळ गुळाचे वाटप करण्यात आले. यावेळी व्यासपीठावर सरिता मंत्री, अश्विनी भदाणे (अमळनेर ), वैशालीताई नाईक – मुंबई, मंदाताई पाटील, उर्वशी गोहिल, सीमाताई पाटील,किरणताई पाटील, सुंनदा महाजन, उर्मिला शेळके, सुषमाताई पाटील, मालती हटकर, हजराबी तडवी, स्मिता बारवकर, संगीता पगारे, मीनाताई पाटील, रत्नाबाई पाटील, बेबाताई पाटील, पद्माताई पाटील, रुपाली अमृतकर, प्रियंका पाटील, पाटील, प्रीती सोनवणे, नर्मदाबाई पाटील, कल्पनाताई पाटील, सुनंदाताई पाटील, रंजन आमले, सिंधुताई पाटील,जया पवार, रेखा राजपूत, लताबाई वाघ तथा जय जवानांच्या वीरपत्नी व पाचोरा शहरातील विधवा माता – भगिनी मोठया संख्येने उपस्थित होत्या.
