जळगाव ( प्रतिनिधी ) – माहेरहून ५ लाख रूपये आणावे यासाठी शनीपेठ परिसरातील योगेश्वर नगरात राहणाऱ्या विवाहितेचा पती व सासू यांच्याकडून छळ केल्याचा प्रकार समोर आला आहे. बुधवारी सायंकाळी शनीपेठ पोलीस ठाण्यात पतीसह सासूवर गुन्हा दाखल करण्यात आला
शनीपेठ परिसरातील योगेश्वर नगरातील विवाहिता पल्लवी प्रदीप चौधरी (वय-३४) यांचा विवाह रावेर तालुक्यातील रोझोदा येथील प्रदीप घनश्याम चौधरी यांच्याशी २००९ मध्ये झाला. लग्नाच्या काही दिवसानंतर पती प्रदीप चौधरी याने विवाहितेला लहान लहान गोष्टीवरून शिवीगाळ करण्यास सुरूवात केली. त्यानंतर गाडी घेण्यासाठी माहेरहून ५ लाख रूपये आणावे यासाठी विवाहितेचा शिवीगाळ व मारहाण केली. सासू यांनी देखील पाच लाख रूपयांसाठी तगादा लावला होता. या छळाला कंटाळून विवाहिता बुधवारी माहेरी निघून आल्या.शनीपेठ पोलीस ठाण्यात पती व सासू यांच्याविरोधात तक्रार दिली. त्यांच्या तक्रारीवरून पती प्रदीप चौधरी आणि सासू घनश्याम चौधरी यांच्याविरोधात सायंकाळी शनीपेठ पोलीस ठाण्यात गुन्हा दाखल करण्यात आला पुढील तपास महिला पो ना अर्चना भावसार करीत आहेत.
