जळगाव (प्रतिनिधी) : तालुक्यातील १६ वर्षीय अल्पवयीन मुलीला प्रेमाचे आमिष दाखवत पळवून नेत विनयभंग करणाऱ्या तरूणास एमआयडीसी पोलीसांनी अटक केली आहे. याप्रकरणी मुलीच्या काकाच्या फिर्यादीवरून एमआयडीसी पोलीस ठाण्यात तरूणाविरोधात गुन्हा नोंदविण्यात आला आहे.
तालुक्यातील मोहाडी येथे बहिणीकडे राहणारी १६ वर्षीय अल्पवयीन तरूणी आपल्या आईवडीलांसह राहते. त्यांच्या गल्लीत अमोल चंदन सोनवणे (वय-२३) हा तरूण राहतो. गल्लीत राहत असल्याने दोघांची ओळख होती. दरम्यान, अमोलने मुलीला प्रपोज केले. दोघांच्या भेटी होण्यास सुरूवात केली. १४ ऑक्टोंबर रोजी रात्री ९ वाजेच्या सुमारास अमोल याने अल्पवयीन मुलीला बोलवून प्रेमाचे आमिष दाखवत फुस लावून पळवून नेले. दरम्यान, दोघेजण रात्री एका शेतात थांबले. मध्यरात्री अडीच वाजेच्या सुमारास अमोल याने अल्पवयीन मुलीचा विनयभंग गेला होता. मध्यरात्री अमोल हा मुलीला सोडून घरी निघून आला होता. आई वडील रागावतील म्हणून हि तरुणी मैत्रिणीच्या घरी गेली मात्र मैत्रिणीचे वडिलांनी तिच्या आत्याच्या घरी तिला सोडले. मुलीने सकाळी घडलेला प्रकार घरच्यांना सांगितला. पिडीतेच्या नातेवाईकांच्या फिर्यादीवरून एमआयडीसी पोलीस ठाण्यात पोक्सो कायद्यान्वये गुन्हा नोंदविण्यात आला आहे. गुन्हा दाखल झाल्यानंतर आज दुपारी संशयित आरोपी अमोल सोनवणे याला एमआयडीसी पोलीसांनी अटक केली आहे. पुढील तपास पोलीस उपनिरीक्षक विशाल सोनवणे करीत आहे. मंगळवारी न्यायालयात हजर केले असता त्याला न्यायालयीन कोठडी सुनावण्यात आली आहे.
