रावेर पोलीस स्टेशनची कारवाई
जळगाव (प्रतिनिधी) : ऑनलाईन खेळांचे अँप तयार करून लोकांना पैशाचे आमिष दाखवून फसवणूक करणाऱ्या मध्यप्रदेशातील टोळीला रावेर पोलीस स्टेशनने पर्दाफाश करून ६ जणांना अटक केली आहे. त्यांच्यावर गुन्हे दाखल करून १ लाख १५ हजार ७०० रुपयांचा मुद्देमाल जप्त करण्यात आला.
पोलीस निरीक्षक डॉ विशाल जयस्वाल यांना गुप्त बातमीदारांमार्फत आज दि. २४ रोजी माहिती मिळाली. सुमनगनर, रेल्वे स्टेशनरोड, रावेर येथील दत्तु डिगंबर कोळी यांचे राहते घरात काही ईसम हे मोबाईल फोन व लॅपटॉपच्या सहाय्याने ऑनलाईन गेम अँप तयार करुन लोकांना आमिष दाखवुन त्यावर पैशांची हार जितचा खेळ खेळण्यासाठी प्रोत्साहीत करीत त्यांना पैशांची गुंतवणुक करण्यासाठी प्रलोभन देत आहे. (केसीएन)डॉ. जयस्वाल यांनी सपोनि अंकुश जाधव, पोहेकाँ रविंद्र वंजारी, पोना/ सुनिल वंजारी, पोकाँ सचिन घुगे, पोकाँ विशाल पाटील, पोकाँ प्रमोद पाटील, पोकाँ महेश मोगरे, पोकाँ/ समाधान ठाकुर, पोकाँ संभाजी बिजागरे, पोकाँ श्रीकांत चव्हाण अशांनी सदर ठिकाणी धाड टाकली आहे.
अभिषेक अनिल बानिक (वय १९ रा. मनिषनगर, नागपुर), साहिल खान वकिल खान (वय २२, रा. पन्हाना ता. पन्हाना जि. खंडवा (म.प्र), बलविर रघुविर सोलंकी (वय २२ रा. जावल ता.जि. खंडवा (म.प्र), अंकित धर्मेंद्र चव्हाण (वय १९ रा. पन्हाना ता. पन्हाना जि. खंडवा (म.प्र), साहिद खान जाकिर खान (वय १९ रा. खडकवाणी ता. कसरावद जि. खंडवा (म.प्र), गणेश संतोष कोसल (वय २५, रा. पन्हाना ता. पन्हाना जि. खंडवा (म.प्र) यांना अटक करण्यात आली आहे. (केसीएन) www.wood777.com या वेबसाईटवर व्हाट्सअँप द्वारे लिंक पाठवुन संशयित आरोपी लोकांना वेगवेगळे ऑनलाईन जुगार खेळाकरीता प्रोत्साहन देत होते. त्यांचे कडुन ९ मोबाईल फोन, २ लॅपटॉप, १ लॅपटॉपचे चार्जर, १ एक्सटेंशन बोर्ड असा एकुण १ लाख १५ हजार ७०० रुपयांचा मुद्देमाल जप्त केला.
सदर आरोपीतांची कृत्य महाराष्ट्र जुगार प्रतिबंध अधिनियम अन्वये असल्याने त्यांचेवर गुन्हा दाखल करण्यात आला आहे. नमुद कारवाई ही पोलीस अधिक्षक, महेश्वर रेड्डी, अप्पर पोलीस अधिक्षक अशोक नखाते, सहाय्यक पोलीस अधिक्षक अन्नपुर्णा सिंग यांचे मार्गदर्शनाखाली मा. पोलीस निरीक्षक डॉ. विशाल जयस्वाल, सपोनि अंकुश जाधव, पोहेकाँ रविंद्र वंजारी. पोना सुनिल वंजारी, पोकाँ/ सचिन घुगे, पोकाँ विशाल पाटील, पोकों प्रमोद पाटील, पोकाँ/ महेश मोगरे, पोकों समाधान ठाकुर, पोकाँ संभाजी बिजागरे यांनी केलेली आहे.
