दुपारी निवडणूक आयोगाची पत्रकार परिषद
मुंबई (प्रतिनिधी) : केंद्रीय निवडणूक आयोग आज मंगळवारी दिनांक १५ रोजी दुपारी साडेतीन वाजता पत्रकार परिषद घेणार असून यामुळे आजपासून आचारसंहिता लागणार असल्याचे संकेत मिळाले आहेत.
गेल्या अनेक दिवसांपासून विधानसभा निवडणूक केव्हा घोषीत होणार याकडे सर्वांचे लक्ष लागले होते. या पार्श्वभूमिवर आज दुपारी साडेतीन वाजता केंद्रीय निवडणूक आयोगाची पत्रकार परिषद होत आहे. यात निवडणुकीची घोषणा होण्याची दाट शक्यता आहे.
महाराष्ट्रात २८८ जागांसाठी निवडणुका होणार आहे. २८ नोव्हेंबर रोजी विधेनसभेचा कार्यकाळ संपणार आहे, त्याआधी राज्यातील विधानसभा होतील, असे निवडणूक आयोगाने जाहीर केले होते. आज निवडणुकीची घोषणा जाहीर झाल्यानंतर आचारसंहिता लागू होणार आहे.
महाराष्ट्रातील विधानसभा निवडणुकीची रणधुमाळी आणखी तीव्र होणार आहे. निवडणूक आयोग आज निवडणुकीच्या तारखा जाहीर करणार आहे. सूत्रांनी दिलेल्या महितीनुसार, १० नोव्हेंबर ते २० नोव्हेंबर यादरम्यान राज्यात मतदान होईल. २० ते २५ नोव्हेंबर रोजी मतमोजणी होईल. २६ नोव्हेंबर रोजी राज्यातील विधानसभेचा कार्यकाळ संपत आहे, त्याआधी नवे सरकार सत्तेत येईल, असे केंद्रीय निवडणूक आयोगाने जाहीर केले होते. निवडणूक आयोगाच्या पत्रकार परिषदेनंतर सर्व चित्र स्पष्ट होणार आहे.
