उपाध्यक्ष ॲड. स्मिता झाल्टे, सचिव ॲड. वीरेंद्र पाटील, सहसचिव ॲड. लिना म्हस्के विजयी
जळगाव (प्रतिनिधी) : जिल्हा वकील संघाच्या निवडणुकीमध्ये अत्यंत चुरस पाहायला मिळाली. अध्यक्षपदी ॲड. सागर चित्रे तर उपाध्यक्षपदी ॲड.स्मिता झाल्टे सचिवपदी ॲड. विरेंद्र पाटील विजयी झाले. रात्री उशिरापर्यंत मतमोजणी झाली. विजयी झालेल्या उमेदवारांना समर्थकांनी खांद्यावर घेऊन जल्लोष केला.
जिल्हा वकील संघासाठी मंगळवारी दि. ५ ऑगस्ट रोजी सकाळी ८ ते दुपारी ४ या वेळेमध्ये मतदान झाले. यामध्ये एकूण १०१० मतदारांपैकी ८८१ जणांनी (८७.२२ टक्के) मतदान केले. त्यानंतर संध्याकाळी ५ वाजेला मतमोजणीला सुरूवात झाली.(केसीएन)निकाल जसा जसा समोर येत होता तसा आघाडीवर असणाऱ्या उमेदवारांमध्ये जल्लोष दिसून येत होता.
यात अध्यक्षपदी ॲड. सागर चित्रे यांनी ४५४ मते मिळवून बाजी मारली. त्यांनी त्यांचे प्रतिस्पर्धी उमेदवार ॲड. संजय राणे (३५३) यांचा १०१ मतांनी पराभव केला. उपाध्यक्षपदी ॲड. स्मिता झालटे, सचिवपदी ॲड. विरेंद्र पाटील, सहसचिवपदी ॲड. लीना म्हस्के तर कोषाध्यक्षपदी ॲड. प्रवीण चित्ते हे विजयी झाले. रात्री उशिरापर्यंत सदस्य पदांच्या उमेदवारांची मतमोजणी सुरु होती.(केसीएन)महिला सदस्यपदासाठी दाखल ॲड. वर्षा पाटील यांचा अर्ज छाननीवेळी नामंजूर करण्यात आला होता. त्यामुळे महिला सदस्यांच्या दोन जागांसाठी दोनच अर्ज शिल्लक राहिल्याने ॲड. शारदा सोनवणे, ॲड. कल्पना शिंदे या बिनविरोध ठरल्या.
