जळगाव ( प्रतिनिधी ) – राष्ट्रीय महामार्गावर भुसावळ-मुक्ताईनगर दरम्यान एका ढाब्याजवळ बायोडिझेलचा काळाबाजार व जास्त भावात विक्री करणाऱ्या तिघांना स्थानिक गुन्हे शाखेच्या पथकाने धाड टाकून अटक केली २५ हजार लिटर बायोडिझेलसह टॅकर व ३१ लाख ९५ हजारांचा मुद्देमाल जप्त करण्यात आला आहे.
वरणगाव पोलीस ठाण्यात गुन्हा दाखल करण्यात आला आहे.जिल्ह्यात बायोडिझेल विक्री करणारी टोळी सक्रिय झाल्याची गोपनिय माहिती पोलीस अधिक्षक डॉ प्रविण मुंढे यांना मिळाली . त्यानुसार स्थानिक गुन्हे शाखेचे पोलीस निरीक्षक किरणकुमार बकाले यांच्या पथकाने २७ ऑक्टोबररोजी रात्री हॉटेल गरीब नवाज ढाब्याजवळ छापा टाकला. बायो डिझेलची काळ्या बाजारात चोरटी विक्री करण्यासाठी जमिनीत असलेले दोन टॅकर टाक्यात बायोडिझेल भरलेले आढळून आले. उर्वरित बायो डिझेल अवैध साठा करून पाईनलाईनला डिस्पेन्सर मशिनद्वारे साठा करत असतांना रंगेहात आढळून आले. या कारवाईत २० लाख ७५ हजार रूपये किंमतीचे २५ हजार लिटर बायोडिझेलसह, २० लाख रूपये किंमतीचे टॅकर आणि १ लाख २० हजार रूपये किंतमीचे इतर साहित्य असा एकुण ३१ लाख ९५ हजार रूपयांचा मुद्देमाल हस्तगत करण्यात आला आहे.
पोलीसांनी या पंपाचा मालक युसूफ खान नुर खान (वय-५४ , रा. सिध्देश्वर नगर वरणगाव) , कामगार आफताब अब्दुल कादर राकोटीया (वय-२१, रा. हिना पार्क वरणगाव) , आणि टॅकरचालक बेचु मौर्या चंद्रधन मौर्या (वय-४१, रा. खरगपूर पो. मेहनगर आजमगड उत्तरप्रदेश ) यांना अटक केली . त्यांच्या विरोधात वरणगाव पोलीस ठाण्यात गुन्हा दाखल करण्यात आला आहे.
स्थानिक गुन्हे शाखेचे पोलीस निरीक्षक किरणकुमार बकाले यांच्या पथकातील सपोनि जलिंदर पळे, स फौ युनुस शेख इब्राहिम, पोहेकॉ सुनिल पंडीत दामोदरे, पो.कॉ. दिपक पाटील, पो.ना. रणजित जाधव, किशोर राठोड, पोकॉ श्रीकृष्ण देशमुख, चालक दर्शन ढाकणे, पोहेकॉ भारत पाटील यांनी ही कारवाई केली
