मुंबई (प्रतिनिधी) – नार्कोटिक्स कंट्रोल ब्युरो मुंबई झोनल डायरेक्टर समीर वानखेडे जन्माने मुसलमान दिसून आले असल्याने त्यांनी दिशाभूल करून मिळवलेली नोकरी काढून घ्यावी अशी मागणी रिपब्लिकन पार्टी ऑफ इंडिया डेमोक्रॅटिकचे राष्ट्रीय महासचिव डॉ. राजन माकणीकर यांनी केली आहे.
समीर वानखेडे यांनी अनुसूचित जातीचे बोगस प्रमाणपत्र मिळवून नोकरी मिळवली असल्याचे समजत असून अनुसूचित जाती – जमाती आयोगाकडे रिपब्लिकन पार्टी ऑफ इंडिया डेमोक्रॅटिकच्या वस्तीने तक्रार दाखल केली गेली आहे. 7 डिसेम्बर 2006 रात्री समीर दाऊद वानखेडे आणि शबाना कुरेशी यांचा निकाह लोखंडवाला कॉम्प्लेक्स, अंधेरीला झाला असून काजी मुजमिल अहेमद यांनी समीर वानखेडे हे मुस्लिम असून त्यांचा निकाह लावल्याचे कबुल केले आहे.
जोपर्यंत चौकशी पूर्ण होत नाही तोपर्यंत समीर वानखेडे यांना नोकरीतून कमी करून नजरकैदेत ठेवण्यात यावे म्हणजे चौकशी सोपी होईल. चौकशी न करता या अधिकाऱ्याला पाठीशी घालण्याचा प्रकार घडल्यास पक्षप्रमुख कनिष्क कांबळे यांच्या नेतृत्वात तीव्र आंदोलन छेडले जाईल असा इशाराही कायदेविषयक विभागप्रमुख नितीन माने यांनी दिला.
