मुंबई (वृत्तसंस्था) – बॉलीवूड अभिनेता सोनू सूद लॉकडाऊनच्या काळात परराज्यात अडकलेल्या कामगारांना आपापल्या घरी जाण्यासाठी मोलाची मदत करत आहे. आतापर्यंत हजारो कामगारांसाठी सोनू सूद हा देवदूत बनून पुढे आला आहे. या कार्यामुळे सर्वांकडून त्याचे कौतुक केले जात आहे. तर दुसरीकडे संजय राउत यांनी सामनात सोनू सूदच्या कामावर प्रश्न उपस्थित केले आहेत.
लॉकडाउनदरम्यान अचानक सोनू सूद नावाचा एक महात्मा तयार झाला. इतक्या लवकर एखाद्याला महात्मा बनवले जाऊ शकते? राउत यांनी यावेळी प्रवासी मजुरांना त्यांच्या घरी पोहचवण्यासाठी लागणाऱ्या पैशांवरही प्रश्न उपस्थित करत, सोनू सूदला भाजपचा मुखवटा म्हटले आहे.
दरम्यान, संजय राऊत यांच्यावर सर्व स्तरातून टीका होत आहे. भाजप नेते निलेश राणे यांनी तिखट शब्दात राऊत यांच्यावर टीका केली आहे. ‘अरे रे रे किती नीचपणा म्हणावा यांचा स्वतःला जमत नाही म्हणून वाट्टेल ते कोण स्वखर्चातून करतोय त्याच्यावर आरोप करायचे. संजय राऊत तुमचं एक कार्य सांग ह्या ३ महिन्यात स्वतःच्या पैश्याने केलेलं? एकतर तू तुझे संध्याकाळचे टेबलावरचे विषय रोज सामन्यात छापूनआणता’
