नवी दिल्ली (वृत्तसंस्था) – कोरोनाव्हायरसच्या साथीमुळे परदेशात अडकलेल्या भारतीयांना परत आणण्यासाठी केंद्र सरकारने एक मोठी योजना तयार केली आहे. जवळपास 14 हजाराहून अधिक नागरिकांना भारतात परत आणले जाणार आहे. तसेच या नागरिकांकडून देय रक्कम म्हणून सरकारने त्यांच्याकडून प्रवास शुल्क ठरवून घेतले असल्याची माहिती नागरी उड्डाण मंत्री हरदीपसिंग पुरी यांनी ही माहिती दिली आहे. त्यांनी सांगितले की युरोपहून येण्यासाठी 50,000 रुपये आणि अमेरिकेतून परत येण्यासाठी 1 लाख रुपये प्रवास भाडे म्हणून नागरिकांकडून घेण्यात येणार आहे. या सर्व सुचना सरकारकडून या नागरिकांना देण्यात आल्या आहेत.
पुढे बोलतांना पुरी असे म्हणाले की विदेशात अडकलेल्या भारतीयांना परत आणण्यासाठी 13 मेपर्यंत 64 विमाने तैनाद करण्यात आली आहे. तसेच लंडन ते मुंबई, लंडन ते अहमदाबाद, लंडन ते बेंगळुरू आणि लंडन ते दिल्लीमध्ये आणल्या जाणाऱ्या भारतीय नागरिकांना 50 हजार रुपये मोजावे लागतील. त्याचबरोबर शिकागो ते दिल्ली, शिकागो ते हैदराबादसाठी सुमारे 1 लाख रुपये द्यावे लागतील. त्याचबरोबर सॅन फ्रान्सिस्को आणि नेवार्क येथून परत जाण्यासाठीही 1-1 लाख रुपये द्यावे लागतील.
