श्री राष्ट्रीय राजपूत करणी सेनेवर जळगावचे सुपुत्र
जळगाव (प्रतिनिधी)- देशातील सर्वात मोठ्या राजपूत युवा संघटनांपैकी एक असलेल्या श्री राष्ट्रीय राजपूत करणी सेनेच्या महाराष्ट्र प्रदेश कार्यकारी अध्यक्षपदी प्रवीणसिंह राजपूत पाटील यांची नियुक्ती करण्यात आली आहे. त्यांच्या या निवडीबद्दल संपूर्ण राज्यभरातून अभिनंदनाचा वर्षाव होतं आहे.
दि. १७ ऑगस्ट २०२५ रोजी जारी करण्यात आलेल्या नियुक्तीपत्रानुसार त्यांचा कार्यकाळ १६ ऑगस्ट २०२६ पर्यंत (एक वर्ष) राहणार आहे. या कालावधीत ते महाराष्ट्र राज्यातील संघटनेची धुरा सांभाळणार असून संघटनेच्या कार्याचा प्रसार व बळकटीसाठी ते पूर्ण योगदान देतील, अशी अपेक्षा संघटनेकडून व्यक्त करण्यात आली आहे. राष्ट्रीय कार्यकारी अध्यक्षा शीला सुखदेवसिंह गोगामेड़ी आणि राष्ट्रीय उपाध्यक्ष योगेन्द्रसिंह कटार यांच्या मार्गदर्शनाखाली ही नियुक्ती जाहीर करण्यात आली आहे. “धर्मो रक्षति रक्षितः” या ब्रीदवाक्याखाली करणी सेना कार्यरत असून, महाराष्ट्रात नव्या जोमाने संघटन उभारणी होईल असा विश्वास नूतन प्रदेश कार्यकारी अध्यक्ष प्रवीणसिहं राजपूत पाटील यांनी व्यक्त केला आहे.
