मुंबई (प्रतिनिधी) – रिपब्लिकन पार्टी ऑफ इंडिया डेमोक्रॅटिक पक्षाच्या मुंबई प्रदेश युवाध्यक्षपदी राहुल जाधव तर कार्याध्यक्षपदी सुधीर धस यांची निवड करण्यात आली आहे.
रिपब्लिकन भवन येथे राष्ट्रीय महासचिव डॉ. राजन माकणीकर यांची शिफारस व राज्य महासचिव कॅप्टन श्रावण गायकवाड , विधी विभाग प्रदेशाध्यक्ष ऍड नितीन माने यांच्या अनुमोदनाने पक्षप्रमुख कनिष्क कांबळे यांनी या दोघांची निवड केली
राहुल जाधव यांनी विधानसभा निवडणूकित वंचितकडून कांदिवली मतदारसंघात निवडणूक लढवली होती, त्यांना 33 हजाराच्या वर मते मिळाली होती
नवनिर्वाचित कार्याध्यक्ष सुधीर धस हे केमिकल इंजिनीअर असून परदेशात त्यांनी उत्कृष्ट कामगिरी बजावली आहे, पक्षाच्या माध्यमातून आधुनिक आणि उच्च शिक्षण बांधणी मांडणी , शासनाच्या योजना व मार्गदर्शन करून नवीन पिढीला विलायतेत पाठविण्यास सूत्रबद्ध कार्यक्रम आखण्याचा त्यांचा संकल्प आहे मागासवर्गीयांना संविधानिक शिक्षणाचे फायदे मिळतील व सुशिक्षित समाज घडेल समाजाला नवीन दिशा मिळेल असा विश्वास राष्ट्रीय महासचिव डॉ माकणीकर यांनी व्यक्त केला.
