पाचोरा ( प्रतिनिधी ) – सततच्या पावसामुळे हिवरा नदीला आलेल्या पुरातून कृष्णापुरीमधील घरी जाण्याचा प्रयत्न करत असताना पाण्याचा अंदाज न आल्याने २२ सप्टेंबररोजी सकाळी धनराज शिंपी ( वय ४०) हा तरुण वाहून गेला होता त्याच्या वारसांना शासनाच्या आपत्ती व्यवस्थापन निधीअंतर्गत चार लाखाचा धनादेश आज देण्यात आला
स्थानिक नागरिक व प्रशासनाने त्याचा शोध घेतला त्याचा मृतदेह आठवड्याभरा नंतर कुजलेल्या अवस्थेत सापडला होता. दरवर्षी होणाऱ्या अशा घटनांमुळे व स्थानिक नागरिकांना होणाऱ्या गैरसोयीची दखल घेत आ.किशोर पाटील यांनी १८ कोटीं रुपयांचा निधी आणत तीन पुलांचे काम सुरू केले आहे. या कामास अजून वर्षभर कालावधी लागणार आहे.
तहसील कार्यालयात बुधवारी शिवसेनेचे मुकुंद बिल्दिकर, शहरप्रमुख किशोर बारावकर, जिल्हा उपप्रमुख अँड. अभय पाटील, नगरसेवक सतिश चेडे, नगरसेवक बापू हटकर, माजी नगरसेवक गंगाराम पाटील, शिवसेनेचे जिल्हा परिषद सदस्य पदमसिंग पाटील, नगरसेवक विकास पाटील, तहसीलदार कैलास चावडे यांच्या हस्ते चार लाखांचा हा धनादेश देण्यात आला यावेळी प्रवीण ब्राह्मणे, भूषण पेंढारकर यांचेसह महसूल विभागाच्या अधिकारी व कर्मचाऱ्यांची उपस्थिती होती.
तहसीलदार कैलास चावडे यांच्या मार्गदर्शनाखाली निवासी नायब तहसीलदार संभाजी पाटील, शहर तलाठी आर डी पाटील, लिपीक अमोल भोई यांनी या प्रस्तावासाठी परिश्रम घेतले .
