नवी दिल्ली (वृत्तसंस्था) – लोकांनी आता बऱ्याच कारणांमुळे चिनी उत्पादनांवर अवलंबून राहणे थांबवले आहे किंवा विविध कारणांनी टिकटॉक सारखे चिनी अॅप्स अनइनस्टॉल करण्यास सुरवात केली आहे. सोशल मीडियावर यूट्यूब विरुद्ध टिकटॉकचे युद्ध समोर आल्यानंतर टिकटॉक अॅपला तोटा सहन करावा लागला आहे. आता ‘वन टच अॅप्स लॅब’ (OneTouch Apps Labs) ने ‘रिमूव्ह चायना अॅप’ (Remove China Apps) नावाचे एक अॅप देखील विकसित केले आहे. हे अॅप्लिकेशन आता गुगल प्ले स्टोअरवरही उपलब्ध आहे.
अॅपला आतापर्यंत 100K पेक्षा अधिक डाउनलोड प्राप्त झाले आहेत आणि 24,000 हून अधिक वापरकर्त्यांनी आपली पुनरावलोकने लिहली आहेत. तसेच अॅपला प्ले स्टोअर वर ‘4.8-स्टार रेटिंग’ देखील मिळाले आहेत. या अॅपच्या नावानेच सूचित होते की हे अॅप मुळात आपल्या स्मार्टफोनमधील विविध चिनी अॅप्सला स्कॅन करते जे चिनी डेव्हलोपर्सद्वारा विकसित केले गेले आहेत. हे अॅप फक्त 3.5 एमबीचे आहे आणि त्यामध्ये कोणत्याही जाहिरातीचा गोंधळ असणार नाही. हे स्वतः दर्शवते की डेव्हलोपर्सना या अॅपमधून पैसे कमवायचे नाहीत, तर त्यांना फक्त चीनी अॅपवर बहिष्कार टाकायचा आहे.
जर आपणास हे अॅप वापरुन पहायचे असेल तर आपल्या अँड्रॉइड स्मार्टफोनवरील प्ले स्टोअरवर जा आणि ‘Remove China Apps’ शोधा. आपल्या फोनवर अॅप डाउनलोड करून इनस्टॉल करा आणि ते ओपन करा. आपल्या फोनमध्ये चीनी अॅप आहे की नाही हे स्कॅन करण्यासाठी अॅपला अनुमती द्या. आता ज्या अॅपला आपण अनइनस्टॉल करू इच्छित आहात त्याच्या बाजूला ‘लाल बिन’ चिन्हावर टॅप करा आणि अॅपमधून मुक्त होण्यासाठी प्रक्रियेची पुष्टी करा.
