जळगाव (प्रतिनिधी) – जिल्ह्यासह राज्यात कोरोनाच्या पार्श्वभूमीवर संचारबंदी लागू करण्यात आली आहे. यामुळे सुरत येथून विदर्भात पायी जाणार्‍या 14 जणांना ताब्यात घेवून त्यांना जिल्हा वैद्यकिय महाविद्यालयात तपासणीसाठी रवाना करण्यात आले आहे.
सुरत येथून काही व्यक्ती पायी विदर्भात जात असल्याची माहिती एमआयडीसी पोलीस निरीक्षक रणजित शिरसाठ यांना मिळाली. अजिंठा चौफुलीवर पथक रवाना करून रणजीत राठोड, निलेश राठोड, निखील चव्हाण, किशोर जाधव, निलेश पवार, राजु राठोड, राहुल मंडळ, राईदुल बारा गुलाम बारा, पोभी सेन, अविनाश चव्हाण, प्रविण पवार, सचिन पवार, उमेशर राठोड, रवी राठोड (ता. दरवा जि. यवतमाळ) यांना ताब्यात घेतले. वैद्यकिय तपासणीसाठी सर्वांना जिल्हा वैदयकिय महाविद्यालयात तपासणीसाठी रवाना केले.
शहरातील देवा तुझा मी सोनार आणि पातोंडकर ज्वेलर्सचे संचालक किरणशेठ पातोंडकर यांच्यावतीने या सर्वांना मास्क व सॅनीटायझर वाटप करण्यात आले. श्याम चव्हाण, शेख सादिक , इम्रान खान, निजाम मुलतानी यांनी त्यांच्या जेवणाची व्यवस्था केली. घुगे पाटील ट्रान्सपोर्टचे गजेंद्र पाटील यांनी वाहन उपलब्ध करून वैद्यकिय तपासणीसाठी रवाना केले. सहाय्यक फौजदार अतुल वंजारी, आनंदसिंग पाटील, रामकृष्ण पाटील, पोकॉ इम्रान सय्यद, मुद्दस्सर काझी, सचिन पाटील, मुकेश पाटील यांनी ही कारवाई केली.
