जळगाव (प्रतिनिधी)- चोपडा तालुक्यातील कोळंबा येथून शहरात आणलेली 6 हजार रूपयाांची गावठी दारू आज पोलिसांनी आरोपींवर पाळत ठेऊन केलेल्या कारवाईत जप्त केली . या गुन्ह्यात दोन आरोपींना ताब्यात घेऊन पोलिसांनी त्यांची मोटारसायकलही जप्त केली आहे. त्यांच्याविरोधात जिल्हापेठ पोलिस ठाण्यात गुन्हा दाखल करण्यात आला आहे.
स्थानिक गुन्हे शाखेचे पोहेकॉ जितेंद्र पाटील यांनी दिलेल्या फिर्यादीत म्हटले आहे की, पो. नि. बापु रोहम यांना खबर्‍यांनी दिलेल्या माहितीनंतर ही कारवाई करण्यात आली. चोपडा तालुक्यातील कोळंबा येथून कानळदामार्गे शहरातील गणेश कॉलनीकडे हे दोन आरोपी गावठी हातभट्टीची दारू घेऊन मोटारसायकलने येत होते. बजरंग बोगद्याजवळ त्यांना अडवून केलेल्या चौकशी त्यांनी गुन्हा कबुल केला. पंचांसमक्ष पंचनामा करून त्यांच्या ताब्यातील 6 हजार रूपये किमतीची 60 लिटर्स दारू व 10 हजार रूपये किमतीची मोटारसायकल पोलिसांनी जप्त केली आहे. पवन बावीस्कर व हिंमत कोळी ( दोघे रा- कोळंबा , ता- चोपडा ) अशी या आरोपींची नावे आहेत. सहाय्यक फौजदार राजेंद्र पाटील , पो. ना. महेश महाजन, पो. कॉ. महेश पाटील यांनी ही कारवाई केली .
