नवीदिल्ली (वृत्तसंस्था) – जगातील कोरोना विषाणूचा प्रादुर्भाव दिवसेंदिवस वाढत आहे. आतापर्यंत जगभरात ७७ लाखांहून अधिक जणांचा कोरोनाची लागण झाली असून ४ लाखांहून अधिक जणांचा मृत्यू झाला आहे. दरम्यान जागतिक आरोग्य संघटनेने शुक्रवारी इशारा दिला की, ‘कोरोना विषाणूचा भीषण अप्रत्यक्ष परिणाम होऊ शकतो. कोरोना आजाराच्या तुलनेत महामारीमुळे उद्भवलेल्या वाईट परिस्थितीमुळे अधिक नुकसान होऊ शकते. तसेच कोरोना या महामारीचा अप्रत्यक्ष परिणाम सर्वात जास्त महिला, लहान मुले आणि किशोरवयीन मुलांवर होऊ शकतो.’
डब्ल्यूएचओचे महासंचालक टेड्रोस अधानोम घेब्रेयेसुस म्हणाले की, ‘कोरोनाचा अप्रत्यक्ष परिणामामुळे विशिष्ट समुहावर वाईट प्रभाव पडले. हा प्रभाव कोरोनाच्या मृत्यूंपेक्षाही भयानक असून शकतो. काही ठिकाणी महामारीमुळे आरोग्य यंत्रणेवरील दबाव वाढला आहे. यामुळे गर्भधारणा आणि प्रसूतीशी संबंधित समस्यामुळे स्त्रियांच्या मृत्यूचा धोका वाढू शकतो.’
याबाबत संयुक्त राष्ट्र जनसंख्या निधीच्या कार्यकारी संचालक नतालिया कनेम यांनी म्हटले की, ‘महामारीच्या दरम्यान अजून एक महामारी उद्भवली आहे.’ त्या पुढे म्हणाल्या की, ‘एका अंदाजानुसार लॉकडाऊनमुळे दर ६ महिन्यांनी ४.७ कोटी महिला कंट्रासेप्शन म्हणजेच गर्भनिरोधकांची सुविधा गमावतील. यामुळे ६ महिन्याच्या लॉकडाऊनमध्ये इच्छाशक्तीशिवाय ७० लाख मुलं जन्माला येतील.’
आंतर-संसदीय संघटनेचे अध्यक्ष ग्रॅब्रिएल कुव्हस बॅरन यांनी म्हटले की, ‘महामारीमुळे ४ ते ६ कोटी मुलांवर भीषण गरीबीचा परिणाम उद्भवले. दुनियातील अनेक देशांमध्ये महामारीमुळे शाळा काही महिन्यांपासून बंद आहेत.’
