मुंबई (वृत्तसंस्था) – नववर्षाच्या सुरुवातीपासूनच चीनमध्ये थैमान घातलेल्या कोरोना विषाणूने जगभरातील 100 देशांमध्ये धुमाकूळ घातला आहे. आतापर्यंत जगभरात 4 हजार 900 जणांचा मृत्यू झाला आहे. जगभर भीतीचे वातावरण आहे. कोरोना व्हायरलला साथीचा रोग जाहीर करण्यात आला आहे. त्याचा परिणाम सर्वत्र दिसून येत आहे. करोनो विषाणूमुळे झालेल्या पहिल्या मृत्यूची देशात पुष्टी झाली आहे. आत्तापर्यंत कोरोनाचे एकूण 73 पॉझिटिव्ह रुग्ण आढळले आहेत. या कोरोना विषाणूबद्दल या देशात आणि जगात चिंतेचे वातावरण आहे. त्याचा व्यवसाय आणि सिनेमावरही परिणाम दिसून येतो. शतकातील सुपरस्टार अमिताभ बच्चन यांनीही कोरोना विषाणूवर आपली प्रतिक्रिया दिली आहे.
अमिताभ बच्चन यांनी कोरोनावर एक कविता रचली असून ती स्वत: गायलीही आहे. बिग बींची ही कविता सध्या सोशल मीडियावर चांगलीच व्हायरल होत आहे. अभिनयाशिवाय अमिताभ बच्चन सोशल मीडियावर खूप सक्रिय असतात. अलीकडेच त्यांनी कोरोना विषाणूबद्दल ट्विटरवर चाहत्यांशी आपले मत शेअर केले. घाबरू नका असे काहीही नाही आणि त्यावर निकराने लढले पाहिजे असे ते म्हणाले. बिग बींची कविता – “बहुतेरे इलाज बतावें ,जन जनमानस सब , केकर सुनैं, केकर नाहीं, कौन बताए इ सब ; केयु कहिस कलौंजी पीसौ, केयु आँवला रस केयु कहस घर म बैठो, हिलो न ठस से मस
ईर कहेन औ बीर कहेन, की ऐसा कुछ भी Carona ,बिन साबुन से हाथ धोई के ,केहू के भैया छुओ न ;
हम कहा चलो हमौ कर देत हैं , जैसन बोलैं सब आवय देयो , Carona-फिरोना , ठेंगुआ दिखाऊब तब !”
दरम्यान, गुगलच्या बेंगळुरू येथील एका कर्मचाऱ्याला कोरोना व्हायरसची लागण झाल्याची माहिती समोर येताच गुगलने सर्व कर्मचाऱ्यांना घरून काम करण्यास सांगितले आहे. काल ट्विटरनेही आपल्या जगभरातील कर्मचाऱ्यांना वर्क फ्रॉम होम करण्याचे आदेश दिले आहेत. त्यासाठी ट्विटरने खास सुविधाही दिली आहे.
