नवी दिल्ली (वृत्तसंस्था) – आतापर्यंत जगभरात कोरोना विषाणूमुळे ७२ लाखाहून अधिक लोक संक्रमित झाले आहेत. चार लाखाहून अधिक लोकांचा मृत्यू झाला आहे. पण चांगली गोष्ट अशी आहे की, आता बर्याच देशांत कोरोना विषाणू नष्ट होऊ लागला आहे. बर्याच देशांत गेल्या काही दिवसांत कोरोना विषाणूचे एकही ऍक्टिव्ह प्रकरण आढळलेले नाही.
जगभरात ३५.५३ लाखांहून अधिक लोक या आजारापासून बरे झाले आहेत. पण जगात असे २६ देश आहेत, जिथे कोरोनाचे एकही प्रकरण आढळलेले नाही. म्हणजेच शून्य अॅक्टिव्ह केस आहेत.
वर्ल्डोमीटर वेबसाइटनुसार, जगभरात सध्या कोरोना विषाणूची ३२.५४ लाखांहून अधिक ऍक्टिव्ह प्रकरणे आहेत. यापैकी ३२.०१ रुग्ण सौम्य आहेत, तर ५३,८०० हून अधिक लोक गंभीर अवस्थेत रुग्णालयात दाखल आहेत.
जगभरात ३५.५३ लाखांहून अधिक लोक या आजारापासून बरे झाले आहेत. त्यांना रुग्णालयातून घरी पाठवण्यात आले आहे. आता जाणून घेऊया त्या देशांबद्दल, जेथे एकही कोरोना प्रकरण नाही.
ते देश म्हणजे- न्यूझीलंड, आइल ऑफ मॅन, मॉंटेनेग्रो, फॅरो आयलँड्स, त्रिनिदाद अँड टोबॅगो, अरुबा, फ्रेंच पॉलिनेशिया, मकाऊ, एरिट्रि, तिमोर-लेस्टे, न्यू कॅलेडोनिया, लाओस, फिजी, सेंट किट्स अँड नेव्हिस, फाल्कलँड बेटे, ग्रीनलँड, तुर्क आणि कॅकोस, व्हॅटिकन सिटी, मॉन्टसेराट, सेशल्स, ब्रिटीश व्हर्जिन आयलँड्स, पापुआ न्यू गिनी, कॅरिबियन नेदरलँड्स, सेंट बर्थ, अँगविला आणि सेंट पियरे मिक्वेलॉन.
वर्ल्डोमीटर वेबसाइटनुसार, जगातील २१५ देश आणि स्थानांपैकी या २६ देशांत आता एकही कोरोना संक्रमित व्यक्ती नाही. तसेच कोणतेही ऍक्टिव्ह प्रकरण नाही.
न्यूझीलंडमध्ये १५०४ प्रकरणे होती, त्यापैकी २२ जणांचा मृत्यू झाला होता. बाकीचे निरोगी आहेत. फॅरो आयलँडमध्ये १८७ लोक कोरोना संक्रमित झाले, परंतु ते सर्व बरे झाले. इथे एकही मृत्यू झाला नाही.
या २६ देशांपैकी असे १८ देश आहेत जिथे लोकांना कोरोना विषाणूची लागण झाली, पण कोणाचा मृत्यू झाला नाही. ते देश पुढीलप्रमाणे- फॅरो आयलँड, फ्रेंच पॉलिनेशिया, मकाऊ, एरीट्री, तिमोर-लेस्टे, न्यू कॅलेडोनिया, लाओस, फिजी, सेंट किट्स अँड नेव्हिस, फाल्कलँड आयलँड, ग्रीनलँड, व्हॅटिकन सिटी, सेशल्स, पापुआ न्यू गिनी, कॅरिबियन नेदरलँड्स, सेंट बर्थ, अँगविला आणि सेंट पियरे मिक्वेलॉन.
या देशांव्यतिरिक्त सुमारे पाच देश असे आहेत, जिथे फक्त एक ऍक्टिव्ह प्रकरण आहे. तसेच असे काही अन्य देश आहेत, जिथे १० पेक्षा कमी ऍक्टिव्ह प्रकरणे आहेत. हे देशही स्वतःला लवकरच कोरोना व्हायरसमुक्त घोषित करू शकतात.
एक ऍक्टिव्ह प्रकरण असणारे देश- ब्रुनेई, सिंट मार्टेन, ग्रॅनाडा, बेलिझ, सेंट लुसिया. तसेच एकपेक्षा जास्त प्रकरणे आणि दहापेक्षा कमी ऍक्टिव्ह प्रकरण असलेले देश- लिसोथो, पश्चिम सहारा, डॉमिनिका, मोनाको, अँटिग्वा अँड बार्बुडा, कंबोडिया, मॉरिशस, आइसलँड, बार्बाडोस, कुराकाओ, सेंट मार्टिन, गॅम्बिया, ग्वाडेलूप, तैवान आणि शनेल आयलँड्स.
