चंद्रपूर (वृत्तसंस्था) – जिल्ह्यात नागभीड तालुक्यातील तळोधी जनकापुर जवळ रात्रीच्या वेळेस अपघात झाला. धान्यांची पोती ट्रकमध्ये भरून तळोधी वरून नागभीड कडे जात असताना हा अपघात झाला. पळसगाव जनकापूर मध्ये या गावात रस्त्यावर रोडचे काम चालू आहे. तेथे ठीक ठिकाणी मोठे खड्डे पडले आहेत. त्यामुळे धानाचे पोते भरलेला ट्रक चारचाकी वाहनावर कोसळला. त्यामुळे जागीच त्या चारचाकी वाहनात असलेल्या दोन शिक्षकांच्या मृत्यू झाला. दोन्ही शिक्षक हे तळोधी मधील महात्मा फुले विद्यालयात कार्यरत आहेत.
