जळगाव तालुक्यातील नशिराबाद येथील घटना
जळगाव (प्रतिनिधी) : तालुक्यातील नशिराबाद येथील ३२ वर्षीय तरुणाने राहत्या घरी छताला गळफास लावून घेत आत्महत्या केल्याची धक्कादायक घटना रविवारी दि. २३ रोजी दुपारी ४ वाजेच्या सुमारास घडली आहे. याप्रकरणी नशिराबाद पोलीस स्टेशनला अकस्मात मृत्यूची नोंद करण्यात आली आहे.
कपिल सुरेश सपकाळे (वय ३२, रा. आठवडे बाजार परिसर, नशिराबाद ता. जळगाव) असे मयत तरुणाचे नाव आहे. तो आई, वडील, पत्नी, १ मुलगा, १ मुलगी असा परिवार आहे. हातमजुरी करून तो परिवाराचा उदरनिर्वाह करीत होता.(केसीएन)दरम्यान, रविवारी दि. २३ रोजी तो घरी एकटाच होता. तेव्हा दुपारी २ वाजेनंतर कधीतरी त्याने छताला गळफास लावून घेत आत्महत्या केली. दुपारी ४ वाजेच्या सुमारास कपिलची पत्नी घरी आली तेव्हा हा प्रकार उघडकीस आला.
कुटुंबीयांनी एकच आक्रोश केला. नशिराबाद पोलीस स्टेशनच्या कर्मचाऱ्यांनी पंचनामा करून मृतदेह शासकीय वैद्यकीय महाविद्यालय व रुग्णालयात हलविण्यात आला. घटनेमुळे नशिराबाद गावात शोककळा पसरली आहे. याप्रकरणी नशिराबाद पोलीस स्टेशनला अकस्मात मृत्यूची नोंद करण्यात आली आहे.
