जळगाव एमआयडीसीतील घटना
जळगाव (प्रतिनिधी) :- यावल तालुक्यातील पिंपरुड येथील इसमाचा एमआयडीसीतील फातीमा नगर येथील एका नाल्यातील पाण्यात बुडून मृत्यू झाल्याची घटना ३ डिसेबर मंगळवार रोजी उघडकीला आली. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
गणेश सदाशिव पाटील (वय ४६ वर्ष, रा. पिंपरुड, ता. यावल) असे मयत इसमाचे नाव आहे. गणेश सदाशिव पाटील हे एमआयडीसीतील एका कंपनीत कामाला होते. मंगळवारी दि. ३ डिसेंबर रोजी दुपारी त्याच परिसरात असलेल्या फातीमा नगरातील नाल्यात पडल्याने त्यांचा बुडून मृत्यू झाल्याचे समोर आले. गणेश पाटील यांना शासकीय वैद्यकीय महाविद्यालयात दाखल करण्यात आले असता त्यांना वैद्यकीय अधिकाऱ्यांनी मयत घोषीत केले. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
