जळगाव ( प्रतिनिधी ) – जळगाव तालुक्यातील नांद्रा खुर्द येथे मुलाने बापाला लाकडी फावड्याने मारहाण केली . जळगाव तालुका पोलिस ठाण्यात मुलावर गुन्हा दाखल करण्यात आला आहे.
जानकीराम सोनवणे (वय-६५ , रा. नांद्रा ) हे मुलगा हिरामण सोनवणे यांच्यासह राहतात. अनेक दिवसांपासून मुलगा हिरामण सोनवणे काही कामधंदा करीत नसल्याने वडील जानकीराम सोनवणे हे चिंतेत होते. याबाबत रविवारी दुपारी जानकीराम सोनवणे यांनी मुलगा हिरामण याला कामधंदा का करत नाही असा जाब विचारला. याचा राग हिरामणला आल्याने त्याने घरात असलेल्या लाकडी फावड्याने वडील जानकीराम यांना बेदम मारहाण केली. हाताचा पंजा मोडून गंभीर जखमी केले.
जानकीराम सोनवणे यांच्या फिर्यादीवरून मुलगा हिरामण सोनवणे याच्या विरोधात जळगाव तालुका पोलिस ठाण्यात गुन्हा दाखल करण्यात आला आहे. पुढील तपास पो हे कॉ साहेबराव पाटील करीत आहेत.
