जळगाव (प्रतिनिधी) – शहरातील जाकीर हुसेन कॉलनी येथील विवाहिता महिला अमळनेर येथे नातेवाईकांकडे कामाच्या निमित्ताने गावी जाण्यासाठी १२ डिसेंबर रोजी दुपारी २ वाजता जळगाव येथील नवीन बसस्थानकात आली असता दुपारी २.३० वाजेच्या सुमारास जामनेर शहादा बसमध्ये चढत असतांना त्यांच्या पर्स मधून अज्ञात चोरट्यांनी १६ हजार रूपये किंमतीचे सोन्याचे दागिने लांबविल्याची घटना घडली. याप्रकरणी आज दि. १५ रोजी मंगळवारी जिल्हा पेठ पोलीस ठाण्यात चोरट्यांविरोधात गुन्हा दाखल करण्यात आला आहे.
प्रतिभा गणेश ठोबरे (वय ३८) रा. जाकीर हुसेन कॉलनी, गाडगेबाबा चौक या अमळनेर येथे नातेकवाईकांकडे कामाच्या निमित्ताने गावी जाण्यासाठी १२ डिसेंबर रोजी दुपारी २ वाजता नवीन बसस्थानकात आले. दुपारी २.३० ते वाजेच्या सुमारास जामनेर शहादा बसमध्ये चढत असतांना त्यांच्या पर्स मधून अज्ञात चोरट्यांनी १६ हजार रूपये किंमतीचे सोन्याच्या २ वाट्या आणि ३ ग्रॅमचे मनी चोरून नेला. या प्रकरणी जिल्हा पेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला असून पुढील तपास पो. ना. प्रदीप पाटील करीत आहे.
