जळगाव-शिरसोली दरम्यान आढळला मृतदेह
जळगाव (प्रतिनिधी) – तालुक्यातील शिरसोली परिसरातील रेल्वे रुळावर एका महिलेचा मृतदेह सापडला होता. याप्रकरणी मयत महिलेची ओळख पटविण्याचे आवाहन तालुका पोलीस स्टेशनला अकस्मात मृत्यूची नोंद करण्यात आली आहे.
उपस्टेशन प्रबंधक एस. बी. सनस यांनी तालुका पोलीस स्टेशनला याबाबत खबर दिली आहे. शिरसोली-जळगाव च्या दरम्यान डाऊन लाईनवर खंबा क्रमांक ४१५ /७-९ दरम्यान एका महिलेचा मृतदेह आढळून आला. याबाबत पोलिसांना माहिती मिळाल्यावर त्यांनी मृतदेह शासकीय वैद्यकीय महाविद्यालय व रुग्णालयात दाखल केला आहे. पोनी शर्मा यांचे मार्गदर्शनाखाली तपास पोहेकॉ अनिल फेगडे, पोहेकॉ अनिल मोरे तपास करीत आहे.
महिलेचे वय अंदाजे ३५ ते ४० असून रंगाने गोरी, अंगात पिवळी साडी, उंची अंदाजे ५ फूट व बांधा मजबूत असून अशा वर्णनाबाबत कोणाला माहिती असल्यास त्यांनी तालुका पोलीस स्टेशनला संपर्क साधावा असे आवाहन पोलिसांनी केले आहे.
