जळगाव ( प्रतिनिधी ) – शहरातील मास्टर कॉलनी येथील तरुणाला कारण नसतांना डोक्यात दगड मारुन जखमी केल्याची घटना घडली. एमआयडीसी पोलीस ठाण्यात तीन जणांविरोधात गुन्हा दाखल झाला आहे.
मास्टर कॉलनी परिसरात मोहम्मद जावेद शेख सादीक (वय २१) राहतो. मजुरी करुन तो उदरनिर्वाह भागवितो. मंगळवारी तो त्याच्या घरासमोर उभा असतांना कारण नसतांना जावेद, सादीक मुलतानी व आदिल मुलतानी ( तिघे रा. मास्टर कॉलनी ) यांनी मोहम्मद जावेद शेख यास शिवीगाळ करत दमदाटी केली. तिघांपैकी जावेद याने मोहम्मद जावेद शेख यास डोक्यात दगड मारुन दुखापत केली. मोहम्मद जावेद शेख सादीक याच्या तक्रारीवरुन एमआयडीसी पोलिसात जावेद (पूर्ण नाव माहित नाही), सादीक मुलतानी व आदिल मुलतानी या तिघांविरोधात गुन्हा दाखल झाला आहे. पुढील तपास फारुक तडवी करीत आहेत.
