यावल (प्रतिनिधी ) – यावल तालुक्यातील सांगवी खुर्द शिवारात रस्त्यावर शेतकऱ्याला दोन जणांनी मारहाण करून खिशातील महागडा मोबाईल घेऊन भामट्यांनी पलायन केल्याची घटना घडली असून याबाबत पोलिस ठाण्यात गुन्हा दाखल करण्यात आला आहे.
सुताराने दिलेली माहिती अशी कि, सुनील निवृत्ती चौधरी वय 47 रा. अट्रावलहे रविवार २१ ऑगस्ट रोजी दुपारी ३ वाजेच्या सुमारास सांगवी खुर्द शिवारात त्यांच्या शेतात काम करत असताना अज्ञात दोन तरुण त्या ठिकाणी आले. येऊन काही कारण नसताना त्यांना मारहाण करून त्यांच्या खिशातील ७ हजार रुपये किमतीचा मोबाईल जबरी हिसकावून घेतले व सोबत मोटरसायकलची चावी देखील घेऊन पळून गेले. या संदर्भात सुनील चौधरी यांनी यावल पोलीस ठाण्यात धाव घेऊन तक्रार दिली आहे. त्यांच्या तक्रारीवरून अज्ञात दोन जणांवर गुन्हा दाखल करण्यात आला आहे. पुढील तपास पोलीस उपनिरीक्षक विनोद खांडबहाले करीत आहे.
