अमळनेर ( प्रतिनिधी ) – शहरातील शिव पेट्रोल पंपावर बाटलीत पेट्रोल दिले नाही म्हणून ऑपरेटरला तिघांनी बेदम मारहाण केली अमळनेर पोलीस ठाण्यात तीन जणांवर गुन्हा दाखल करण्यात आला .
शहरातील शिव पेट्रोल पंप येथे शनिवारी रात्री पेट्रोल पंप ऑपरेटर पंकज वानखेडे ( रा. झाडी ता. अमळनेर) हा कामावर असतांना उमेश पाटील, यश पाटील आणि बाबू भगवान (पुर्ण नाव माहित नाही) ( सर्व रा. अमळनेर) हे दुचाकीने आले व बाटलीत पेट्रोल मागितले. ऑपरेटर पंकज वानखेडे यांनी पेट्रोल देण्यास नकार दिला. याचा राग आल्याने तिघांनी शिवीगाळ करून पंपावरील स्टीलचे राऊंड ऑपरेटर पंकजच्या डोक्यात मारले. त्यांना गंभीर दुखापत झाली. पंकज वानखेडे यांच्या फिर्यादीवरून संशयित आरोपी उमेश पाटील, यश पाटील आणि बाबू भगवान यांच्या विरोधात अमळनेर पोलीस ठाण्यात गुन्हा दाखल करण्यात आला आहे. पुढील तपास पो उ नि अनिल भुसारे करीत आहेत.
