साईनगर, सांगवी, पाटणा येथे कॉर्नर सभांना प्रतिसाद
चाळीसगाव (प्रतिनिधी) : तालुक्यातील गावागावांत फक्त आणि फक्त मंगेश चव्हाण यांचीच चर्चा ऐकायला मिळत असून, तालुक्यातील विकासकामांमुळे जनतेने मोठ्या बहुमताने मंगेश चव्हाण यांनाच पुन्हा निवडून आणण्याचा निर्धार कैल्याचे चित्र दिसत आहे, असा दावा खा. स्मिता वाघ यांनी केला. चाळीसगाव तालुक्यातील साईनगर (लोणजे) येथे महायुतीचे भाजपचे उमेदवार आमदार मंगेश चव्हाण यांच्या प्रचारार्थ आयोजित कॉर्नर सभेत त्या बोलत होत्या.
चाळीसगाव मतदारसंघात झालेल्या विकासकामांना तोड नाही. त्याच विकासकामांच्या बळावर आ. मंगेश चव्हाण पुन्हा विधानसभेत जातील, यात कोणतीही शंका नाही, असा विश्वास खासदार वाघ यांनी व्यक्त केला. खासदार वाघ यांनी १० नोव्हेंबर रोजी तालुक्यातील साईनगर, सांगवी, पाटणा येथे महायुतीचे उमेदवार आमदार चव्हाण यांच्या प्रचारार्थ कॉर्नर सभा घेतल्या तेथे मतदारांचा प्रतिसाद असत्याचे दिसून येत होते. गावासह पंचक्रोशीतील मतदारांनी उत्स्फूर्तपणे फेरी व सभांत सहभागी होत आमदार चव्हाणांना पाठिंबा दर्शवला जनतेचे त्यांच्यावरील प्रेम बघून प्रचारसभा नाही, तर विजयी मिरवणूक आहे, असे वाटत असून, मतदारांनी स्वतःच मंगेश चव्हाण यांना पुन्हा आमदार करण्याचा निश्चय केल्याचे दिसून येत आहे, असेही खा. वाघ यांनी नमूद केले.
