आ. मंगेश चव्हाण यांचे प्रचारादरम्यान प्रतिपादन
चाळीसगाव (प्रतिनिधी) : शहरात अनेक वर्षे दुर्लक्षित असलेल्या भागांच्या विकासासाठी मी प्रामाणिकपणे प्रयत्न केले आहेत. पूर्वी मूलभूत सुविधा अभावी त्रासलेल्या या भागांमध्ये आता मजबूत रस्ते आणि सार्वजनिक सोयी सुविधा उपलब्ध करण्यात आल्या आहेत. हे प्रकल्प फक्त विकासाचे प्रतीक नाहीत, तर शहरातील सर्व भागांमध्ये समृद्धी आणण्याचा माझा संकल्पही आहे, असे प्रतिपादन आ. मंगेश चव्हाण यांनी केले.
आ. मंगेश चव्हाण यांनी एम. के. किराणा इस्लामपुरा,यशवंत मेडिकल,छाजेड ऑईल मिल मागील भाग ,कोळी गल्ली ,मोहम्मदिया भाग ,कालू दादा रेडीएटरवाले यांचे घर , मदिना मज्जिद परिसर ,डॉ. जाकीर हुसेन सोसायटी भाग ,गरीब नवाज नगर,हुडको परिसर या भागातील नागरिकांशी संवाद साधत महायुतीला निवडून देण्याची विनंती केली.
