जळगाव तालुक्यातील चिंचोली बस स्टॉप येथील घटना
जळगाव (प्रतिनिधी) : शहरात येण्यासाठी गावातील बस स्टॅण्डवर बसची वाट पाहत उभ्या असलेल्या कौशल्यबाई संजय शिरसाठ (वय ३६, रा. चिंचोली, ता. जळगाव) यांना भरधाव कारने धडक दिली. या अपघातात महिला गंभीर जखमी झाल्याची घटना दि. ७ रोजी चिंचोली येथे घडली. याप्रकरणी कार चालकाविरुद्ध एमआयडीसी पोलीस ठाणे येथे गुन्हा दाखल केला आहे.
जळगाव तालुक्यातील चिंचोली येथील कौशल्यबाई संजय शिरसाठ (वय ३६) या वास्तव्यास आहे. दि. ७ रोजी त्या सकाळी जळगाव येण्यासाठी गावातील बस स्टॅण्डवर बसची वाट पाहत उभ्या होत्या. त्यावेळी जामनेरकडून भरधाव वेगाने येणाऱ्या कार चालकाने रस्त्याच्या परिस्थितीकडे दुर्लक्ष करीत निष्काळजीपणे वाहन चालवून कारने महिलेला जोरदार धडक दिली. त्यानंतर कार चालक तेथून पसार झाला. याप्रकरणी जखमी महिलेने एमआयडीसी पोलीसात तक्रार दिली. त्यानुसार कार चालकाविरुद्ध गुन्हा दाखल करण्यात आला आहे. तपास पोहेकॉ मुंकूद पाटील करीत आहे.
