रुग्णालयात सुरु होते उपचार
जळगाव (प्रतिनिधी) :- येथील महानगरपालिकेचे माजी स्वीकृत नगरसेवक महेश रतन चौधरी यांचे हृदयविकाराच्या आजाराने शुक्रवारी ८ डिसेंबर रोजी संध्याकाळी साडेसात वाजेच्या सुमारास रुग्णालयात उपचार घेताना निधन झाले आहे. त्यांना भाजपाकडून जळगाव महानगरपालिकेत पहिल्यांदाच स्वीकृत नगरसेवक म्हणून संधी मिळाली होती.
महेश चौधरी हे भाजपाचे पदाधिकारी व कार्यकर्ते होते. दरम्यान, गेल्या तीन दिवसांपूर्वी त्यांना हृदयविकाराचा झटका आला होता. त्यांच्यावर शिवराम नगर परिसरातील एका खाजगी रुग्णालयात उपचार सुरु होते. उपचार सुरु असताना शुक्रवारी संध्याकाळी साडे सात वाजता त्यांची प्राणज्योत मालवली.
त्यांच्या निधनाची वार्ता कळताच कुटुंबीय, नातेवाईक, मित्रपरिवार तसेच राजकीय, सामाजिक व विविध क्षेत्रातील नागरिकांनी रुग्णालयाकडे धाव घेतली आहे. महेश चौधरी हे छोटूभाऊ म्हणून परिचित होते. त्यांचे वडील आर. टी. चौधरी हेदेखील माजी नगरसेवक होते. तसेच, महेश चौधरी हे तेली समाज शिक्षण प्रसारक मंडळाचे अध्यक्ष होते. त्यांच्या पश्चात पत्नी, १ मुलगा, १ मुलगी असा परिवार आहे.
