ठिकठिकाणी महिलांकडून औक्षण
पारोळा (प्रतिनिधी) :- येथील पारोळा-एरंडोल महायुतीचे उमेदवार अमोल पाटील यांच्या सार्वे गावात जल्लोषात स्वागत करण्यात आले. यावेळी उत्साही कार्यकर्त्यांनी त्यांची घोड्यावर बसवून प्रचार रॅली काढण्यात आली. यावेळी गावात ठिकठिकाणी महिलांनी औक्षण केले तर वृध्दांनी त्यांना विजयासाठीचा आशिर्वाद दिला.
एरंडोल व पारोळा विधानसभा मतदार संघातून महायुतीचे अधिकृत उमेदवार अमोल पाटील यांनी आज पारोळा तालुक्यातील विविध गावांमध्ये प्रचार दौरा सुरू केला आहे. यावेळी त्यांनी प्रचार दौऱ्यात गावातील ग्रामस्थांसह महिलांशी संवाद साधून त्यांच्या अडीअडचणी जाणून घेतल्या. यावेळी गावागावात ठिकठिकाणी महिलांकडून औक्षण करण्यात आले तर वृध्दांनी आशिर्वाद देवून आपला पाठींबा असल्याचे सांगितले.
