चोपड्यातील तंत्रनिकेतन महाविद्यालयातील घटना
चोपडा (प्रतिनिधी) :- येथील शरदचंद्रिका सुरेश पाटील तंत्रनिकेतन महाविद्यालयात ५० लाख ६७ हजार ८९३ रुपयांच्या फसवणुकीप्रकरणी सहायक रोखपालाविरुद्ध चोपडा शहर पोलिस स्टेशनला गुन्हा दाखल करण्यात आला आहे.
समाधान दत्तात्रय पाटील असे या संशयित रोखपालाचे नाव आहे. चोपडा येथील विजय नारायण बोरसे यांनी दिलेल्या फिर्याद दिली आहे. संशयित समाधान पाटील याने सन २०१४ ते २०२२ या कालावधीत संस्थेत विद्यार्थ्यांची संपूर्ण माहिती असलेला डाटा, त्यांच्याकडून घेतलेल्या फीबाबतची माहिती ठेवण्यासाठी वापरण्यात येणा-या सॉफ्टवेअर मध्ये स्वत:च्या नावाचा युझर आयडी पासवर्डसह इतरांच्या युझर आयडी पासवर्ड वापरला. एकूण ३४३ विद्यार्थ्यांकडून फी म्हणून पैसे घेऊन त्यांना स्वाक्षरी करून पैसे घेतल्याची पावती दिली. मात्र त्याची कॅश बुक मध्ये नोंद न करता एकूण ५० लाख ६७ हजार ८९३ रूपयांची फसवणूक केली.
याप्रकरणी चोपडा शहर पोलीस स्टेशनला गुन्हा दाखल करण्यात आला आहे. या गुन्ह्याचा तपास स.पो.नि. संतोष चव्हाण करत आहेत.