महाबळ परिसरात स्मिता वाघ यांचा प्रचार दौरा
जळगाव (प्रतिनिधी) : भारतीय जनता पार्टी, जळगांव महानगर जिल्हातर्फे महायुतीच्या उमेदवार स्मिता उदय वाघ यांचा महाबळ परिसरातील विविध कॉलनीत प्रचार दौरा काढण्यात आला. यावेळी स्मिता वाघ यांनी नागरिकांशी संवाद साधून विजयी करण्याचे आवाहन केले.
भारतीय जनता पार्टीचे महाराष्ट्राचे नेते गिरीश महाजन यांच्या नेतृत्वात आ. सुरेश भोळे, जिल्हाध्यक्ष उज्वलाताई बेंडाळे यांनी सहभागी होऊन प्रचार केला. या प्रचारात नागरिकांनी ठिकठिकाणी स्मिता वाघ यांचे स्वागत केले. प्रसंगी आ. सुरेश भोळे यांनी देशाच्या विकासासाठी पंतप्रधान नरेंद्र मोदी याना पाठिंबा देऊन भाजप उमेदवाराला विजयी करण्याचे आवाहन केले.
सुरुवातीला नागेश्वर मंदिरात स्मिता वाघ यांनी पूजा करून भगवान महादेवाचे दर्शन घेतले. यानंतर समता नगर – देवेंद्र नगर – रायसोनी नगर – राम लक्ष्मण नगर – संभाजी नगर – दौलत नगर – नित्यानंद नगर – चंद्रलोक अपार्टमेंट – त्र्यंबक नगर – तिवारी नगर – मोहन नगर – चैत्रबन कॉलनी – शारदा कॉलनी – श्रीनगर – आदर्श नगर – मकरा पार्क – गायत्री नगर – गजानन महाराज मंदिर,जीवन मोती सोसायटी आदी भागात जाऊन नागरिकांच्या भेटी घेतल्या.
