जळगाव (प्रतिनिधी) – शहरातील पारख नगरात राहणाऱ्या 40 वर्षीय व्यक्तीने राहत्या घरात पंख्याला दोरीने गळफास घेवून आत्महत्या केल्याची घटना बुधवारी दुपारी उघडकीस आली.याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आली आहे.
पोलीसांकडून मिळालेल्या माहितीनुसार, रामानंद नगर रोडवरील चर्चच्या पाठीमागे पारख नगरात, गोदावरी पिठाची गिरणी जवळ राहणारे अनिल उर्फ अनिरूध्द शांताराम भालेराव (वय-40) घरी वडीलांसह राहतात. अविवाहित असल्याने ते चिंतेत होते. अनिल यांना दारूची सवय झाली आणि ते व्यसनाच्या आहारी गेले. दरम्यान, बुधवारी दुपारी ४ वाजता वडील राहत्या घराच्या पुढच्या हॉलमध्ये झोपलेले असतांना पाहून अनिलने मागच्या घरात कीचन मध्ये दोरीने गळफास घेवून आत्महत्या केली. वडील झोपेतून उठल्यानंतर मुलाने गळफास घेतल्याचे दिसून आले. त्यांनी तातडीन रामानंदनगर पोलीस ठाण्याला कळविले. रामानंद नगर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ विनोद शिंदे व हरीष डोईफोडे करीत आहे.
