जळगाव ;- शहरातील प्रभाग क्र. 3, 17 सह 4 मधील नागरिकांची ‘कोरोना’च्या पार्श्वभूमीवर लसीकरण करवून घेण्यासाठी परिसरात केंद्रच नसल्याने नागरिकांना अडचण येत होती.युवा ब्रिगेडियर्स फाऊंडेशनचे कार्यकर्ते अमेय राणे यांनी महापौर जयश्री महाजन यांच्याकडे परिसरात लसीकरण केंद्र सुरू करण्याची मागणी केली होती. का.उ.कोल्हे विद्यालयात आज पासून महापौरांच्या उपस्थितीत लसीकरण केंद्र सुरू आले.
या केंद्र उभारणीमुळे या भागातील नागरिकांची मोठी सोय झाली असून, केंद्र सकाळी 9 ते सायंकाळी 5 पर्यंत सेवेसाठी उपलब्ध राहील.
लसीकरण केंद्र सुरू करतेवेळी प्रभाग क्र. 3 चे नगरसेवक प्रवीण कोल्हे, महिला व बालकल्याण समिती सभापती सौ.रंजना सपकाळे, प्रभाग क्र. 17 च्या नगरसेविका मीनाक्षी पाटील, नगरसेवक सुनील खडके तसेच नगरसेविका पती .कमलाकर बनसोडे, सौ.वानखेडे, नगरसेवक डॉ.विरन खडके यांच्यासह महानगरपालिकेचे मुख्य वैद्यकीय अधिकारी डॉ.राम रावलानी, डॉ.रेशमा मुणोत, डॉ.मनीषा उगले, परिचारिका सुप्रिया कांबळे, मंगला तायडे, आशा स्वयंसेविका अर्चना पाटील, आशा लांडे यासह एल.के.फाऊंडेशन, युवा ब्रिगेडियर्स फाऊंडेशन, मानराज इनोव्हेशन प्रा. लि. मुंबईचे सदस्य व जळगाव शहर महानगरपालिकेच्या आरोग्य विभागाचे कर्मचारी उपस्थित होते.
महापौर .जयश्री महाजन म्हणाल्या, की प्रभाग क्र. 3 मधील खेडी गाव, योगेश्वरनगर, वाल्मीकनगर, दिनकरनगर, तानाजी मालुसरे नगर, पीपल्स बँक कॉलनी, प्रभाग क्र. 17 मधील अयोध्यानगर, अजिंठा हौसिंग सोसायटी, शांतीनिकेतन सोसायटी, रायसोनी शाळा परिसर, ट्रान्स्पोर्टनगर, म्हाडा कॉलनी, एस.टी. वर्कशॉप, सदोबानगर, कासमवाडी, पांझरापोळ परिसर तसेच प्रभाग क्र. 4 मधील जोशी पेठ, मारुती पेठ, बालाजी पेठ, राम पेठ, विठ्ठल पेठ या भागातील नागरिकांना ‘कोरोना’च्या पार्श्वभूमीवर लसीकरण करवून घेण्यासाठी परिसरात केंद्रच नसल्याने इतर केंद्रांवर जाण्या-येण्यासाठी मोठ्या प्रमाणावर दमछाक होत होती व विविध अडचणींचा सामना करावा लागत होता. यासंदर्भात माझ्याकडे अमेय राणेंसह नागरिकांकडून बर्याच दिवसांपासून केंद्र सुरू करण्याबाबत मागणी होत होती. त्यावर यथोचित विचार करून आज काशिबाई उखाजी कोल्हे विद्यालयात हे केंद्र परिसरातील नागरिकांसाठी सुरू करण्यात आले आहे.
‘मी लस घेतली आपणही घ्या’ हा संदेश इतरांना देण्याकरिता आकर्षक सेल्फी पाईंटही उभारले आ
